[A:500] bshad pa/ gegs sel la sogs pa'i skor rnams dang / ni gu chos drug gi khrid la sogs pa'i skor rnams dang / gsang 'dus mi bskyod pa'i dbang 'gos nas brgyud pa/ gsang 'dus lus dkyil gyi dbang / rdzogs rim zab mo gsang 'dus rim lnga dmar khrid dbang gong ma dang bcas pa/ man ngag nag khrid du grags pa rnams gsan no/ /de ltar gsung ngag la sogs pa de rnams kyi man ngag gi rnam grangs rnams ni mtha' yas pas 'dir yi ge mangs bas 'jigs nas ma bris pas gsan yig tu shes par bya'o/ /gzhan yang dbu ma lugs kyi sems bskyed kyi cho ga /sems tsam lugs kyi sems bskyed kyi cho ga /thugs rje chen po'i smyung gnas/ rgyal sras sems dpa' chen po'i bka' 'bum thor bu ba'i lung / gshed dmar lha bcu gsum ma/ sgrol ma lus dkyil/ bde mchog dril bu pa rnams kyi dbang / nA ro mkha' spyod kyi byin rlabs/ phag mo zhal gnyis ma/ don grub ma/ dbu bcad ma gsum gyi byin rlabs/ gur mgon lcam dral gyi rjes gnang thun mong ba/ gur mgon lha brgyad kyi rjes gnang thun mong ma yin pa/ gdong bzhi pa'i rjes gnang / gzhan yang tshe dpag med kyi sgrub thabs la sogs pa gsan no/ /de ltar gdams ngag ma lus pa bum pa gang 'byo'i tshul du gnang tshar ba dang / chos rje buddha pa'i gsung gis/ nged la chos rje dpal ldan tshul khrims pas gnang ba'i gdams ngag 'di rnams khyed la rdzogs par 'phrod na snyam pa de 'phrod pas sems bde gsungs nas thugs bzhed legs par grub par mdzad pa yin no/ /sgrub pa lung sbyin gyi skabs su/ khyed kyis rtse gcig tu ra sa brag phug tu sgrub par byas na lus 'di kho na la grub mtha' snyogs shing / bshad pa dang gzhan don byas na/ spyir sangs rgyas kyi bstan pa dang / bye brag tu dpal ldan sa skya pa'i bshad sgrub kyi bstan pa nyin mo ltar gsal bar byed do/ /de lta na yang bstan pa nyams dma' bas gtso bor bshad nyan