[A:501]byed pa gal che'o zhes dang / lhag par ma 'ongs pa na lam 'bras kyi slob ma dang brgyud 'dzin mang du 'byung bar lung bstan to/ /de yan chad zla ba bcu gcig song / de rjes zla ba drug tu sbyor drug bskyangs pas rgyud 'grel las gsungs pa'i/ re ga nag po dri med 'od zer 'phro ba dus kyi rtsa la mthong bar 'gyur gyi bar du'o zhes pa dang / de'i dbus su sangs rgyas gzugs ni yul dang rnam par bral ba du ma longs spyod rdzogs pa'i sku'o zhes sogs kyi nyams snang rnams 'khrungs so/ /de dus phyi rol du stong gzugs la dkyil 'khor du ma'i lha thams cad dang / sangs rgyas sprul pa'i sku'i rnam pa spyan nam mkha' la log ge byas pa mang du byung / spyan gyen du gzigs pa de rnams ci yin nam snyam ste/ rang gi mig gi byed pa'i rten 'brel yin pa 'dra gsung / nang du rtsa dbu ma srog shing gi tshul du gnas pa'i nang du dkyil 'khor gyi lha dang bcas pa mang du gzigs pa la/ rim gyis steng nas steng du thugs gtad pas shin tu dges pa chen po byung mod/ de dus de nas bshad pa'i gegs byung ba la/ 'grel pa nas bshad pa'i gegs sel dbang rgyal lugs de dran pas gegs thams cad sel nus gsungs/ gzhan yang de bzhin gshegs pa'i sku dang mchod rten/ dkyil 'khor gyi lha tshogs dpag tu med pa gzigs pa sogs rgyas shing ya mtshan che ba yod mod kyi re zhig de tsam mo/ rnam kun mchog ldan gyi stong gzugs tshad med pa mthong ste/ dpal dam tshig chen po'i rgyud du/ sgyu ma lta bu'i ting nge 'dzin dang / /dkyil 'khor rnams kyang rgya che ba/ /gzugs sgra de bzhin dri dang ni/ /rnal 'byor pa yis rtag bskyang bya/ /zhes pa ltar ro/ /gzhan yang thams cad mkhyen pa g.yag ston chos rje'i drung du/ snga phyir lo bzhi lnga cig gi skya la phar phyin gyi bshad pa tshar phyed dang gnyis g.yag TIka dang bcas pa thugs su chud par mdzad/ rgyud bla ma/ 'jug par rang 'grel/ tshad ma rnam 'grel/