[A:508]btsong kha pa blo bzang grags pa/ mkhan chen blo gros dpal ba/ bla chen kun rgyal ba/ ta wen kun dga' rin chen la tshad ma'i thun tshags gsan/ bla ma yon tan dpal la 'jigs byed kyi dbang / sa bzang bka' bzhi pa/ bla ma a nanda la tshe dbang gsan zhes pa de rnams la chos gsan par bshad cing / rje 'di nyid sa paN gyi sprul par yang bshad do/ /gsan pa'i rnam grangs 'di rnams kyang rags pa tsam mdor bsdus nas bris pa yin la/ rgyas par zhib tu gsan yig rgya mtshor shes par bya zhing / der mi bzhugs pa'i gsan pa'i rnam grangs kyang mtha' yas par shes par bya'o/ /de ltar gsan pa rnams la gzigs rtog dang / thugs bsam dang nyams len mthar phyin par mdzad cing / gzhan yang dngos su ma gsan pa'i gsung rab dgongs 'grel dang bcas pa thams cad la yang gzigs rtog mthar phyin par mdzad nas sgro 'dogs legs par chod de bka' 'gyur dang bstan 'gyur glegs bam rnams kyi nang na brdzus ma mang po yod pa rnams tshig re yang ma 'dres par rgyu mtshan dang bcas pa gsal bar rtogs nas thugs su chud par mdzad pa yin no/ /gzhan yang bod kyi dge ba'i bshes gnyen bstan pa la bya ba byas pa phal che ba'i gsung rab rnams kyang gzigs nas/ de dag gi dgongs pa yang lhag ma ma lus par thugs la mnga' ba yin no/ /brang mo che dang / zur khang / gung bla brang sogs gdan sa so so'i dpe khang so so'i phyag dpe thams cad ma lus pa thebs gsum gzigs pa'i tshe skabs shig tu/ chos skyong gi grub thob sngags 'chang kun dga' zla bas brtag gnyis kyi TI ka lo spe rdo bsod ma'i stod sku drung du phul nas/ pu tra na re/ bla ma kun dga' bzang po la phul na smad khong gis rnyed zer gyin gda' bas khyed la 'bul ba lags zer nas phul/ de rjes lo gcig