[A:509]gi khongs su/ de'i smad bla brang grang mo che ba'i dpe gseb nas rnyed nas 'grigs rab byung ngo / /mdor na rgya gar dang bod du mdo sde dang rgyud sde'i bstan pa gang du byung zhing dar ba dang / gang las 'phel ba dang / gang nas brgyud pa dang / lam srol ji ltar bkrol ba dang / de dag gi srol 'dzin ji ltar byung ba la sogs pa thams cad lo rgyus dang bcas pa thugs su chud nas/ 'grel tshul dang lam srol ji snyed byung ba kun so so'i dgongs pa ji lta ba bzhin khyad par phra mo yod pa yang ma 'dres par me long g.ya' dag pa la gzugs brnyan ltar/ rje nyid kyi thugs kyi dkyil 'khor la dus rtag tu gsal bar bzhugs pa yin no/ /mnyam par gzhag pa'i skabs 'ga' rer/ spyan lam na yod pa'i bum pa dang de'i nang gi bum chu sogs kyi rdul phra rab ji snyed yod pa gsal bar gzigs pa dang / gser sku'i nang na rten rdzongs 'di dang 'di yod ces bya ba mkhyen cing / de yang rje btsun gyi phyag nas bzhugs pa yin zer ba bden par 'dug ces sogs gsungs pa dang / dbus gong mas phul ba'i dngul gyi mchod rten gyi nang na ga ya dha ra'i ring bsrel bzhugs pa mkhyen pa dang / mtshan mo phyag dpe'i gseb nas gang dgos pa nyin mo ltar bde blag tu gzigs pa dang / gdan sa chen por mi nyag gi dmag byung bas/ brang khang mang po zhig pa'i chu rdol byung ba/ gzhan yang rin spungs nang so la mo rtsis pa du mas de lo gshegs par lung bstan kyang / rje nyid kyis mi 'chi bar zhal gyis bzhes pa dang / sde pa 'ga' re la ma 'ongs pa na 'di lta bu 'byung / grwa pa du ma la ma 'ongs lung bstan ji lta bu byung ba la tshad med de/ rje mus pas gling kha bde ba can gyi dgon pa 'debs pa'i lung bstan zhus pa na dgon pa gnyis 'byung zhes dang / kun mkhyen go rams pa la saM pu Ta'i dbang gi rjes gnang tshe dung lan gsum 'bud du 'jug par