[A:519]la bde mchog gi sku gser sku de dang / bum sku de gnyis po min pa ni med/ de gnyis da lta bla brang shar ni yod ces gsungs pas/ khong rnams kyis bde mchog gi gser sku pad gdan bral ba cig khyer byung nas/ 'di khyed kyis phral ba yin zer byung bas/ rje la yang de bshig pa'i nyes pa yod pa'i gnong cig byung ba rmis pas/ sang mnal sad pa dang / rgyud bcad pa'i 'khu ldog tu dgongs nas/ lwa ba pa'i bde mchog gi 'grel pa nas bshad pa'i rigs ldan ma'i mchod chog rgyas pa de mdzad pas rje'i sku khams legs par dwangs so/ /'di lta bu ni 'phral du bar chad kyi rnam pa lta bur snang yang phugs yi dam gyis rjes su gzung ba'i mtshan ma yang dag pa yin no/ /gsung ngag ji ltar gsungs tshul ni/ mgron la g.yu thog tu bzhugs pa'i tshe/ lam 'bras la lung sbyin nas bshad pa'i bka' rgyas btab pa'i lo grangs thim nas/ da gsungs pas chog gam mi chog dgongs pa'i tshe/ nub gcig gi mtshan lam du 'od kha dog lnga'i thig le zlum por 'khor ba'i nang du/ dbus su sa skya pa chen po/ de la rje btsun sku mched/ chos rje khu dbon te de ltar gong ma lnga/ bde mchog /kye rdor/ rigs lnga'i phyag mtshan/ mchod rten bzhi/ de'i byang chen mchod rten chung ngu zhig g.yon phyogs kyi 'ja' la phal cher nub pa/ 'og tu chos skyong lcam dral gnyis rnams zhal gzigs/ rje btsun gyi phyag nas lam 'bras kyi glegs bam cig /dar dkar gyi snal ma gong bu cig rje la gnang / de'i sne mo gcig phyag tu bzung 'dug pa las gyes te phan tshun 'brel bzhin du rnam par bkra ba dang bcas te phyogs kun tu khyab par rmis/ 'di gu ge paN chen sogs kyis 'bring mtshams ri bo sgang du yin par bshad kyang / de ni lam 'bras gsung bzhin pa'i skabs yin pas snga ma legs so/ /de ltar bka' rgya thim tshul gyi gzigs snang 'di la rje'i gsung / khyad