[A:521]kyi byi dor mthar phyin pa'i rtags yin no/ /gzhan yang me pho rta'i lo'i dgun chos la zab lam dang / brtag gnyis gsungs pa'i tshe grwa pa mang po chos rje'i drung nas la sku chag cung zad che ba'i rmi lam byung ba dang / grwa pa 'ga' zhig gis logs su mo 'dra btab 'dug pa la yang / sku chag che bas/ spong dag dang / sku mtshams dam po mdzad dgos zer ba la/ bgres pa 'ga' zhig gis de bzhin zhus pas/ mo la nges pa med na'ang / spang dag dang mtshams byas pas chog gsungs nas/ phyag rdzas mang po bla brang shar du sa skya pa'i dge 'dun rnams la 'gyed mdzad/ chos rje'i zhal snga nas shAka bzang sku 'bum du sku mtshams dam po mdzad nas thugs dam gyi rim pa/ snga skad 'khor lo bde mchog gi tshe sgrub dang / phyi ma red uShNI Sha'i srung 'khor mdzad nas/ zhag po 'ga' zhig song ba'i tho rangs shig lam 'bras pa'i bla ma gong ma 'ga' zhig gis thugs dam rnam rgyal ma la mdzad 'dug pa dran pa dang / gzugs mngon rgyu med pa'i bar snang du rnam rgyal gyi gzungs dag po tshar gcig sgra lhang ba gsal por bsgrags pa byung bas/ rnam rgyal gyi sgrub pa gyis shig pa'i brdar dgongs nas/ de phyin chad snga skad rnam rgyal la thugs dam mdzad/ srung 'khor yang gur mgon gyi srung 'khor gyis shig pa'i mtshan ma byung nas/ phyi ma red gur mgon gyi srung 'khor mdzad nas/ rnam rgyal gyi bstod pa nyi ma re la shlo ka re dang / gur mgon lcam dral dang gdong bzhi pa la bstod pa re mdzad pas/ pu tra na re nga la yang bstod pa byed dgos zer nas pu tra'i bstod pa mdzad do/ /de ltar cho 'phrul chen po nas dbo zla'i tshes bco lnga yan la bstod pa rnams rdzogs pa dang / mnal lam du sa bzang na bzhugs 'dug pa'i rnam pa cig la mdo sde mdzangs blun cig phyag tu byung ba yar mar gang nas bgrangs kyang shog bu sum cu rtsa dgu re byung ste/ da dunga'ang