[A:522]sku tshe'i tshad de tsam bzhugs zer ba byung zhing / rnam rgyal gyi bstod pa la yang shlo ka sum cu so dgu byung ba yin no/ /de'i smyug ma'i phon po cig kyang phyag tu phul byung ste/ sku tshe la phan mi phan gyi bshad pa ci yang ma byung gsung ngo / /zhag po gnyis na bying po la mjal sa 'ong ba'i do nub mnga' ris pa bla ma dkon mchog 'od zer dang / rje mus pa dkon mchog rgyal mtshan gnyis la sku mdun du shog gsung ba byung nas byon pas/ chos rje'i zhal snga nas/ rang re'i grub mtha'i dgag sgrub re tsam ma gtogs su la yang gnod par 'gyur ba ma byas kyang / 'ga' zhig gis phyag drug pa la brten pa'i byad kha 'dra byas par 'dug /'di'i cho 'phrul na ning 'ong rgyur 'dug na'ang na ning rang re dpon slob rnams kyis chos smar po byung bas ma tshugs par gda'/ khar sing nas kyi rmi lam tshab tshub de pa'ang rang re la dkar phyogs 'dra'i cho 'phrul 'dra yin tshod du 'dug /mtshams byed pa zla phyed kyi 'phyis na skyon du 'gro bar gda'/ de la skyon du song na'ang gzhan sems kyi 'khri ba ci yang mi 'dug /da lta bod na sde snod kyi bshad nyan dar po yod pas phar phyin theg pa'i bstan pa legs po yod/ gsang sngags bla med kyang sa skya la sogs pa'i dgon pa so so na dga' mo yod/ yo ga 'di bar skabs cung zad 'gribs nas/ phyis thams cad mkhyen pa bu ston rin po che bas thugs rtsol chen po mdzad nas gsos pa'i rgyun da dung yang ma nyams pa yod/ bya spyod gnyis po 'di deng sang bka' ma chad tsam las mi 'dug pas/ 'di gnyis sos pa cig byung na bod du bstan pa yongs su rdzogs pa legs po cig 'ong ba 'dug snyam ste/ de la chos rje ri bo dge ldan pa chen po dang tshugs dang gsang sngags kyi nyams len gcig tu mdzad pa dang / bya spyod kyi spyod lam dang tshugs mthun shas che zhing / khong pa gang zag stobs can yin pas/ khong pas thugs rtsol mdzad na sos pa cig e 'ong snyam nas