[A:523]de kho na la rkang btsugs ri bo dge ldan du phyin nas bla ma'i drung du rgyu mtshan zhus pas/ bla ma'i gsung nas khyed kyis bstan pa'i khur ngo mtshar che ste rang re la gang la yin kyang slob gnyer ni byed dgos par snang / slob gnyer byed pa mnyam po la bla med la byed pa 'di khe che bar snang bas/ bla med la byed pa yin gsungs nas rang re'i bzhed pa de ma byung / de nas rang res rtsol ba bskyed nas bya spyod kyi rgyud/ 'grel pa rgya gzhung / bod kyi dge ba'i bshes gnyen chen po rnams kyis mdzad pa'i yig cha rnams la lo bdun tsam gyi bar du slob gnyer byas/ bya spyod gnyis kyi rgyud sde'i rnam gzhag 'di rnams kyang brtsams byas pa yin te/ 'di da dung yang 'dod pa bzhin sos pa cig ma byung bas/ 'di la rang gi grogs mched dam/ grwa pa lta bu la khyed kyis brtson pa bskyed la bya spyod kyi bstan pa 'di sos pa cig gyis shig zer ba'i kha da cig bzhag sa med pas 'di sems kyi rtser bcung che bar 'dug ces gsung pa 'di ni bstan pa'i khur la thugs kyi 'jug tshul dang mthu stobs gzhan las phul du phyin pa yin no/ /da sku chag legs par sangs lags sam zhes zhus pas/ da zla ba drug pa'i tshes grangs nges pa can cig gsungs nas/ de'i dus su de la dmigs pa'i dge sbyor cung zad cig byas pas de nas chag sgo legs par sangs yod ces gsungs so/ /ri bo dge ldan du byon skabs/ rje btsun tsong kha pa la byang chub lam rim sogs gsan zhing / der dge bshes rgyal 'od la sogs pas dus 'khor dbang sogs dgos zer na'ang / mnal lam du mi dkar po cig na re/ khyed rang 'dir yun ring po ma sdod/ de'i bar la nga'i bar chad mi byed zer ba cig byung nas/ khong rnams la bla ma'i rnal 'byor sogs chos 'brel ci rigs re byas zhes rnam thar kha cig tu 'byung ste/ rgyas par gong du bshad zin to/ /gnyis pa ni dbang lung