[A:529]re yod pa dang / 'grel byed tshad ma rgya gar pa'i paN grub rnams kyis 'grel lugs sna tshogs mdzad pa rnams la rang rang gi grub mtha' gzhung tshugs pa'i bshad pa dang / de dang rjes su 'brel ba'i lag len dang / de'i man ngag nyams len gyi rim pa rnams so so rang gi lugs bzhin/ gzhan dang ma 'dres par bshad pa na/ rgyud sde re re'i 'grel tshul la yang phan tshun mi 'dra ba ches che ba snang mod/ thams cad kyang gsang sngags rgyud sde bzhi dang mthun pa'i bshad pa 'ba' zhig tu 'gro ba'i 'chad tshul 'di ni rgyud gzhung dang / sngon gyi rgyud sde tshul bzhin du smra ba'i gong ma rnams kyi dgongs pa phyogs gcig par 'dug na'ang / deng sang chos rje rin po che kho na'i 'chad srol thun mong ma yin par snang ngo / /de lta bu'i 'chad tshul gyis/ rtsa ba'i rgyud brtag pa gnyis pa/ bshad pa'i rgyud rdo rje gur/ saM pu Ta ste/ kye rdo rje'i rgyud che ba gsum dang / chung ba gsum/ dpal dus kyi 'khor lo'i rgyud 'grel/ 'khor lo bde mchog rtsa ba'i rgyud/ rnal 'byor ma kun tu spyod pa/ a bhi dha na/ rdo rje mkha' 'gro /sdom 'byung / ma hA mA ya sogs rtsa bshad kyi rgyud rnams dang / gsang 'dus rtsa rgyud/ bshad rgyud bzhi dang bcas pa/ dgra nag /rdo rje 'jigs byed kyi rgyud rtog bdun sogs dang / de nyid 'dus pa glo bo brag dkar du drung nam rtse bas gtso bor zhus nas yo ga de nyid 'dus pa'i rgyud kyi 'grel chen kun dga' snying pos mdzad pa/ de nyid snang chen pusti bzhi'i steng nas so/ /gzhan yang 'jam dpal mtshan brjod/ ngan song sbyong rgyud/ dpa' bo gcig grub/ rab gnas kyi rgyud/ bya ba spyi'i rgyud bzhi sogs rgyud sde mtha' yas pa/ de dag dang 'brel pa'i 'grel pa dang / gzhung gi tshogs rab tu mang po'i bshad pa dang / gsung ngag gi skor yongs rdzogs rnams dang / zab lam rdo rje'i rnal 'byor sbyor ba yan lag drug pa'i skor cha lag dang bcas