[A:541]gsal bar mdzad pa dang / rin chen gser la sogs pa las grub pa'i bde bar gshegs pa'i rten gsum ngo mtshar ba du ma dang / rin po che gser dang snag tsha sogs las grub pa'i bka' 'gyur du ma la sogs pa'i gsung rab mtha' yas pa mang du bzhengs pa'i bka' gnang ste/ tshul bzhin du bzhengs nas rab gnas mdzad pa la sogs pa'i mdzad phrin bzang pos mnga' ris skor gsum 'phags yul sangs rgyas bzhugs pa'i dus dang mtshungs pa byung ba ni rje nyid kyi bka' drin no/ /gzhan yang steng khebs su chos sde gnyis/ khyad par steng khebs brag dkar du a co byang chub sems dpas gtso mdzad 'dul grwa rnams kyang btsugs/ dkyil 'khor so so'i sgrub mchod/ don zhags gzungs sgrub sogs mang du yod/ khyad par brag dkar sems dpa' chen po bsod nams rin chen pa 'jam dbyangs sngon po'i rnam 'phrul yin par nges shing/ de'i gang du bzhugs sar klu gnyan sa bdag gi gnod pa mi 'byung bar grags/ khong la ngor du yang rje bla mas yun ring du bzhugs dgos pa'i bka' phebs byung ba la cung zad mgyogs stabs byon dgos byung bas/ khong gis mdzad pa'i bstod par de'i nyes pa bzod gsol yang 'byung ngo / /'di ni ngag sgros dang bstod pa de'i 'gros las rtogs so/ /brag dkar dgon par dge 'dun ni nyis brgya tsam tshogs pa byung ngo / /steng khebs brag dkar dgon pa dus phyis ming dang grub mtha' bsgyur te bkra shis chos 'phel zer gyin 'dug /chu 'dus su chos sde chen por sde snod 'dzin pa lnga brgyar langs pa btsugs/ bka' 'gyur/ bstan 'gyur/ thub pa'i gser sku chen mo dang lha khang bzhengs pa'i zhal bkod mdzad/ gting sor de rnams kyi rab gnas mdzad/ drung chen sgrol ma'i sgrib sbyong la/ dri med 'bum ther cho ga dang bcas pa/ rgyun ldan gyi phyag len sogs btsugs/ de ltar sbyin bdag de