[A:542]rnams kyi mnga' 'og so sor/ ri rgya nya rgya bsdoms pa/ sha khrag gi mchod sbyin 'gegs pa/ dge 'dun sder langs pa'i tshogs su sha chang mi 'grim pa la sogs pa bstan pa dang sems can gyi don rgya chen po mdzad mod re re nas grangs mang bas ma bris so/ /de yang yos lo la mnga' ris su chibs kha bsgyur nas sbrul lo dgung lo drug cu re brgyad pa la mnga' ris nas shar lam la chibs kha bsgyur/ gdan sa chen por phebs te dge 'dun rnams la 'bul ba rnam gzhag gral 'gyed dang bcas pa mdzad/ de nas dbyug pa zla ba'i tshes gsum la e waM chos ldan gyi ri khrod du phebs te tshes bcu bzhi'i nyin par chos rje sa skya pa chen po'i dus dran mar me dang / zhal zas dang / rol mo dang / gdugs dang / rgyal mtshan la sogs pa'i mchod pa rgya chen po phul zhing / dge 'dun 'dus pa rgya mtsho'i tshogs dang bcas pa rnams la mang bskol dang / dkar ras dri ma med pa phun sum tshogs pa'i 'bul ba gral 'gyed dang bcas pa bsgrubs nas/ phyogs nas byon pa bla ma dge ba'i bshes gnyen rnams la'ang chos kyi 'brel pa dang / zang zing gi gnang sbyin rnam par dag pas rang rang rnams mgu bar mdzad cing / gnyug mar gnas pa'i thun bzhi'i rnal 'byor la mi g.yo bar mdzad pa'i sgrub pa po rnams la lam 'bras bu dang bcas pa kha skong dkar chag tu gsal ba rnams kyi lung dang / mtshams sbyor gyi bshad pa dpyis phyin par mdzad la/ rgyal gyi zla ba'i tshes bcu la e waM nas chag bteg ste gdan sa chen por byon nas/ rta zla ba'i cho 'phrul la/ mnga' ris nas phul ba'i gser zho sum brgya tsam gyis mar tshan che bar bsgrubs te/ tshes brgyad kyi nyin par bzhus te/ dbu rtse rim pa gsar rnying / sgo rum steng shod/ bla brang shar/ bla brang gzhi thog /bla ma gong ma rnams kyi nang rten gser thog g.yu thog la