[A:543]sogs pa'i lcags ri phyi'i sku 'bum rnams dang / rin chen sgang lha khang / bla brang mgon khang / bla brang khang sar chen mo/ nyi thog dang / gung la sogs pa brgya tsho'i bla brang rnams dang bcas par/ kong bu che chung bzhi brgya lhag tsam bkang nas tshes brgyad kyi tho rangs nas legs par sbar te/ zhag po bcu gnyis tsam gyi bar du kha gso zhing khor yug tu 'bar bar mdzad la/ dri ma med pa'i lha bshos nyi ma re la'ang brgya bas lhag pa phul cing / mchod yon la sogs pa gzhan gyi blo 'khul ba bshams te/ de dag gi skabs su bla ma dam pa gzhi thog pas gtso mdzad gnyug mar gnas pa'i dge 'dun rgya mtsho lta bu dang / mdo dbus mnga' ris dang bcas pa glo bur du byon pa'i dge 'dun rnams dang / bla ma dpal ldan rgyal po sogs kyang 'di dus mjal ba'o/ /zla ba de'i nang du dam pa de nyid kyi drung du rab tu byung ba dang bsnyen par rdzogs pa'i gsar bu lnga brgya lhag byung ba rnams la mang bskol dang / ras dkar gyi 'bul ba dang / gral 'gyed rnam par dag pa mdzad cing / dkon mchog gsum dang bla ma brgyud pa dang bcas pa rnams la yan lag bdun pa 'bul zhing / bstan pa dar ba'i smon lam rnam par dag pa 'debs pa la brtson pa chen po mdzad do/ /de'i tshe rje nyid rang yang 'khor gyi tshogs dang bcas te zhag bcu gnyis kyi bar du gtsug lag khang rnams su rim par byon te/ yan lag bdun pa sngon du 'gro bas sangs rgyas kyi bstan pa spyi sgos dar ba'i smon lam rnam par dag pa 'debs pa la snga dro phyi dro mi g.yel bar mdzad pa snang zhes thos so/ /de'i tshe gdan sa na yod pa'i dge ba'i bshes gnyen rnams la thos bsam sgom gsum la brtson par mdzad pa'i zhu ba'i snyan bskul mtha' dag pa 'bul la/ rang rang gis 'dod pa'i chos rnams kyis kyang tshim par mdzad do/ /de dag mthar phyin par byed pa'i thabs su/ ma hA