[A:544]kA la gur gyi mgon po'i drung du gtor tshogs zan dang / sha skam mar du btsos pa dang / bu ram sgar ma dang / bag gi phye skam cha mar du btsos pa dang / ka ra dang / sman sna tshogs pa dang bcas pa lnga tshar re re bshams pa dus gcig tu byin gyis brlabs nas/ re re phul ba snod chen por blug cing / yang bshams pa la sogs pa mdzad pa brgya rtsa brgyad du grangs tshang ba 'bul zhing sangs rgyas kyi bstan pa spyi sgos su dar zhing / yangs pa'i rgyal khams chen po rnams su 'khrugs long dang gnod 'tshe mtha' dag zhi ba'i bka' bsgo ba dang / phrin las zhu ba dpyis phyin par mdzad do zhes thos so/ /de nas rta lo khra zla ba'i nyi shu bzhi la e waM chos ldan du chag phebs nas/ phyogs nas byon pa'i dge ba'i bshes gnyen rnams dang / gnyug mar gnas pa rnams la brtag pa gnyis pa'i rgyud man ngag dang bcas pa la sogs pa/ theg pa gsum gyi dam pa'i chos nyi ma re la spyi sgos su thun gsum la sogs pa'i sgo nas 'doms par mdzad do/ /mdor na rim gnyis zab mo la g.yel ba med pas rtogs pa'i yon tan mtha' yas pa dang ldan pa'i ngang nas/ gdan sa chen po dang / chos dbar gyi sa mnga' ris pu hrangs chos 'khor kha char man chad/ dbus kyi 'bri gung gi mal gro yan chad du bzhugs pa dang / byon pa'i dgon sde rnams su 'dul ba'i rab tu byung ba dang / bsnyen par rdzogs pa'i sdom pa legs par thob pa mdo dbus mnga' ris dang bcas pa na grangs las 'das pa dang / theg pa chen po'i sems bskyed/ rig pa 'dzin pa'i dam tshig thob ste nyams su len pa la bkod/ de dag gi skabs su dad pa can rnams kyis bzhengs pa dang / rje nyid kyis bzhengs pa'i bde bar gshegs pa'i sku gsung thugs kyi rten mtha' yas pa rab tu gnas pa legs par bsgrubs te/ bstan pa gnas pa dang / yon bdag dge legs 'phel ba dang /