[A:547]pa yis/ /mdzad pa bzang po e ma ngo mtshar phul/ gzhan yang legs par bshad pa rtsom pa'i skor yang / bla ma yi dam chos skyong rnams kyi bstod pa'i skor dang / bya ba'i rgyud rang rkang gi chos skad la bdag bskyed sgrub pa sogs bkag nas 'grel tshul sna tshogs kyi dgongs pa gsal bar ston cing bya rgyud bstan pa rgyas par bya ba'i phyir/ bya rgyud spyi'i rnam par gzhag pa legs par bshad pa'i rgya mtsho zhes bya ba dang / de bzhin du spyod rgyud la ye shes pa 'jug pa sogs bkag nas spyod rgyud bstan pa'i gsal byed/ spyod rgyud spyi'i rnam par gzhag pa legs par bshad pa'i sgron me dang / rnal 'byor rgyud kyi skor dang / pha rgyud gshin rje'i gshed skor/ gsang ba 'dus pa'i skor/ saM pu Ta'i skor/ mkha' 'gro rgya mtsho sogs bde mchog gi skor/ kye rdo rje'i skor la/ kye rdo rje'i sgrub thabs mtha' dag gi dgongs pa gsal bar ston pa bskyed rim gnad kyi zla zer yan lag dang bcas pa la sogs pa rgyud gzhung gi dgongs 'grel bstan bcos du ma dang / grol lam bskyed rim yan lag dang bcas pa'i lag len gsal bar ston pa'i skor rnams dang / gzhan yang sgrub thabs kyi rigs rab tu mang po dang / gsung ngag rin po che'i bshad thabs gsang ba'i sgo 'byed dang / bde mchog dkar po'i rdzogs rim dang / gsang 'dus rim lnga/ 'jigs byed rwa khrid/ 'di shAkya rgyal mtshan gyis bris pa yin kyang rje'i gsung yin pas bka' 'bum du bzhugs/ spros med mdzes rgyan la sogs pa rdzogs rim gyi skor dang / gzhan yang gdams pa sna tshogs kyi sgo nas nyams len gsal bar ston pa'i skor dang / bsngo ba dang smon lam dang / bkra shis la sogs pa'i gsung rab mtha' yas pa mdzad pa'i rnam grangs brjod par mi nus pas ma bris so/ /deng sang lung rgyun yod pa pod bzhi mar grags pa'i glegs bam bzhi'i dkar chag tu shes