[A:548]par bya zhing / der ma 'dus pa'ang dpag tu med pa shes par bya'o/ /gang gis rgyal kun mdzad pa mdzad nus pa'i/ /dri med legs bshad phreng ba'i pusti ka /su yis mthong na dga' ba skyed byed pa/ /bzang po'i sku tshab khyod gsung legs bshad lags/ /de ltar dus dang gnas skabs thams cad du g.yel ba med par bstan pa'i bya ba byas pas/ bstan pa spyi dang bye brag sa skya pa'i bstan pa shin tu gsal bar byas pa yin te/ 'du khang chen mo mdzad pa'i skabs su mtshan ltas rje btsun gong ma lnga byung tshul sngar bshad pa ltar ro/ /slob ma dang sbyin bdag sogs kyang chos bshad pa'i phrin las kyi rgyun yin par sngar bshad zin to/ /de dag gi skabs su longs spyod kyi dngos po ji snyed phyag tu byung ba kun kyang bla ma gong ma rnams kyi thugs dgongs rdzogs pa dang / sangs rgyas kyi bstan pa gnas pa 'ba' zhig gi phyogs su gtong bar mdzad de/ de yang chos rje ye shes rgyal mtshan pa'i thugs dgongs rdzogs pa'i thabs su 'du khang gi gtso khang 'og mar/ ston pa'i gser sku chen po ngo mtshar ba gandho la dang bcas pa dang / grub chen buddha ba'i thugs dgongs rdzogs pa'i thabs su/ gsung ngag gi bla ma brgyud pa yongs su rdzogs pa'i bris sku chen mo bcu gcig dang / gzhan yang gtsang khang steng ma da lta lam 'bras lha khang du grags par/ rdo rje 'chang gi gser sku khyad par du 'phags pa dang / bdag med ma nas grub chen buddha pa'i bar lder sku khyad par du 'phags pa che ba rnams dang / rdo rje 'chang nas grub chen buddha pa'i bar du brgyud pa yongs su rdzogs pa'i lder sku chung ba rnams lam zab lha khang du bzhugs pa dang / bla ma rnams bzhugs pa'i gtsang khang gi logs bris la/ kye rdo rje dang / 'khor lo bde mchog dang / gsang ba 'dus pa rnams kyi bla ma brgyud pa dang / sangs rgyas dang byang chub sems dpa' dpag tu