[A:549]med pa bzhengs/ chos rje 'phags pa gzhon nu blo gros pa'i thugs dgongs rdzogs pa'i thabs su/ bal po'i lha bzo ba mkhas pa rnams kyis bris pa'i rdo rje phreng ba'i dkyil 'khor yongs su rdzogs pa/ kr-i ya sa mutstsha nas bshad pa'i dge legs su byed pa'i dkyil 'khor gsum dang bcas pa 'di dang / grub chen buddha ba'i dgongs rdzogs thabs lam 'bras thang ka bcu gcig /bla ma phyi ma'i kha skong dang bcas/ gsung ngag gi lam dbang skabs su/ rje dkon mchog dpal ldan pas bzhengs pa'i gser thang rnams dang res mos su 'grems pa 'di yin/ gser thang 'phros rnams byams pa kun dga' bkra shis kyis bzhengs pa 'dug /bzhugs sa sngar gyi gzims chung ka gnyis ma da lta lam zab lha khang du grags par bzhugs/ 'di las gzhan du 'khyer bcom byed na rdo rje chos skyong rnams kyis tshar gcod kyi las mdzad par 'gyur ro/ /gzhan yang zur bka'i dkyil 'khor gyi rigs mtha' yas pa rnams dang / zhing khams ma'i sku la sogs pa ras bris kyi tshogs shin tu ya mtshan che ba grangs med pa bzhengs pa dang / dge 'dun gyi 'du khang dang gtsug lag khang khyad par du 'phags pa bzhengs pa'i gtsang khang gi nang du/ yum nas bshad pa'i phyogs bcu'i sangs rgyas kyi lder sku la sogs pa khyad par du 'phags pa dang / logs ris la gser 'od nas gsungs pa'i phyogs bcu'i sangs rgyas la/ sangs rgyas dang byang chub sems dpa'i tshogs bsam gyis mi khyab pas bskor ba dang / 'du khang gi logs ris zhing khams nyi shu rtsa brgyad la/ dbus su ston pa bdud 'dul ma dang / chos 'chad ma gnyis/ de dag gi g.yas g.yon du sman bla'i mdo brgyad brgya pa nas bshad pa'i de bzhin gshegs pa drug /nub phyogs kyi zhing khams dang po la/ sman pa'i rgyal po/ shar phyogs kyi dang po la bcom ldan