[A:550]'das mi 'khrugs pa/ zhing khams lhag ma bcu la phyogs bcu mun sel nas bshad pa'i phyogs bcu'i sangs rgyas/ de dag gi bar rnams su bskal bzang nas bshad pa'i sangs rgyas stong la sogs pa sangs rgyas kyi sku rab tu mang po dang / shar nub kyi zhing khams bcu gnyis kyi dpung zur g.yas g.yon du rdo rje gdan gyi gtad rabs nyi shu rtsa bzhi/ phyogs bcu'i sangs rgyas kyi ldem la/ mdo dgongs pa nges 'grel nas bshad pa'i nyan thos nyi shu/ phyi'i sgo'i nang gi g.yas g.yon gyi zhing khams brgyad la/ byang chub sems dpa' nye ba'i sras brgyad/ ldem la dpang skong phyag brgya pa nas bshad pa'i byang sems bcu drug /de rnams kyi bar dang 'og rnams su 'jam dpal rtsa rgyud nas bshad pa'i rang rgyal bcu drug /'dul ba lung nas bshad pa'i nyan thos brgya/ gzhan yang gnod sbyin gyi sde dpon la sogs pa bsam gyis mi khyab pa bzhengs so/ /de dag gi skabs su lha bzo ba la sogs pa'i bzo rigs pa rnams la yon brdzongs dang / ston mo dang / skon dang / bskyon la sogs pas bsam pa legs par tshim par mdzad pa dang / gzims chung deng sang lam zab lha khang du grags pa'i gsung ngag brgyud pa'i lder sku chung ba rnams bzhugs sa 'di yin no/ /de dag gi spyan sngar mchod pa'i yo byad mar me'i phreng ba khor yug rgyun ldan du btsugs pa dang / chen po la 'os pa'i gdugs dang / rgyal mtshan dang / ba dan dang / dar dang / mu tig dang bcas pa'i 'phan gyi tshogs dang / khyad par du 'phags pa'i gos bzang bsdus pa'i bla bre dang / na bza' dang / rin po che dngul gyi maNDal la sogs pa gser dngul gyi mchod cha grangs med pa la sogs pa ste/ mdor na mchod pa'i bye brag bzang zhing ngo mtshar ba dpag tu med pa dang / bdog pa'i dngos po thams cad de dag dang / bla ma gong ma rnams kyi dus mchod dang / gzhan yang