[A:551]lha sa/ bya rgod gshong / bo dong / zar byang phug /skyid grong / kha char sogs su mar me'i phreng ba dpag tu med pa/ khyad par gdan sa chen po dpal ldan sa skya'i gtsug lag khang rnams su gser ga lngas gtso byas gser zho sum brgya tsam gyi rin gyis mar me rta lo cho 'phrul chen po'i tshes brgyad nas brtsams te/ nyer lnga'i bar du rgyun ma chad par phul nas sangs rgyas kyi bstan pa phyogs thams cad du yun ring rgyas pa'i smon lam rgya chen po mdzad de rgyas par gong du bshad zin to/ /gzhan yang dge 'dun gyi bsnyen bkur dbul phongs la sbyin pa sogs don can kho na las 'jig rten gyi phyogs su gtan nas mi rdzong ba yin no/ /de lta bu'i mdzad pa mtha' yas shing rmad du byung ba rgyun mi chad pa bde blag tu 'grub pa'i 'gal rkyen sel zhing mthun rkyen sgrub pa'i phrin las chos skyong rnams kyi 'bad med lhun grub tu mdzad pa yin te/ sngar shAka bzang sku 'bum du byad kha la brten pa'i sku chags gur gyi srung 'khor gyis bzlog pa dang / e waM chos ldan gyi ri khrod du phebs pa'i tshe/ rdo rje phreng ba'i dkyil 'khor yongs su rdzogs pa bzhengs pa dgongs pa na/ bal po'i lha bzo ba wanggu li spun la sogs pa mkhas pa drug yod pa'i gtam yang med par glo bur du sku mdun du slebs nas ji ltar dgongs pa'i dkyil 'khor rnams dang / gzhan yang thugs dam gyi rigs mtha' yas pa 'bad med du grub pa'i tshe/ lha bzo ba a khe rA dza zhes bya ba cig yod pa na re/ nged 'di rnams phan tshun gcig gis gcig gleng bam yin par/ thams cad bod du bla ma 'phags pa'i bu can du 'gro zhes phyogs gcig tu gros 'chams te bod du 'ong ba'i tshe/ la stod shel dkar dang / chu 'dus dang / sa skya rnams su khyed rang rnams 'di tsho ru las dka' byas na yon rdzongs legs po ster zer yang / de tsho gang du'ang sdod ma 'dod cing / gnas po mi nyag cig