[A:552]yod pa na re/ khyed rang an tsha khar phyin nas las dka' byas na yon rdzongs thams cad gser du 'ong bas 'gro na ngas skyel zer yang 'gro ma 'dod par/ bla ma'i drung du zangs sleb pa 'di/ bla mas sgom byas pa nged kyi snying la phog pa yin mod zer te chos skyong gis rang dbang med par bkug pa yin no/ /de bzhin du ston pa'i gser sku chen mo bzhengs par dgongs pa na/ lha bzo ba'i rmi lam na khra 'brug gi gtsug lag khang yin snyam pa cig na 'dug pa na/ rna ba la dung lo dang bcas pa'i a tsa ra'i gzugs shig byung ste/ nged kyi lha bzo ba la 'ong dgos zer ba la/ da lta sgo mi 'dug /lam yang mi phyed/ mi 'gro byas pas/ nga'i rjes la 'ong bas mgo thon gyis shog zer nas khrid phyin pa rmis/ rmi lam ngan zer nas rim gro byed pa'i grab byas pas/ de'i zhag lha bzo ba 'bod mkhan mnga' ris pa dpon po a tsa ra grogs mched gsum gyis slebs pas gser sku chen po bzhengs pa la 'ong ba'i ltas yin tshod du 'dug zer/ sa skya pa'i chos skyong gi rnam 'phrul du shes pa dang / khyad par thub dbang gi rab gnas mdzad dus sku stod la nas gsum tshom bur chags pa chos rje shes rab rgya mtsho ba dang / mkhar chen steng pa'i mkhan po sogs kyis gzigs/ de phyin sa phyogs der thog 'bab pa'i 'phro chad pa sogs kyi dge mtshan dang ldan zhing thog 'bab pa dang / sa g.yo ba e waM du mi 'byung bar grags la/ gal te byung na gzhan gyi mnan gtad sogs bzlog pa'i mtshan mar grags so/ /gzhan yang chos skyong gi rnam 'phrul las mgon rnams/ res 'ga' las bsgrubs kyang gtang rag re yang ma byung zer 'khang ba'i rnam pa dang / res 'ga' khyed kyis ma bcol yang nged rang gis byas pa yin zhes kha po 'don pa'i rnam pa dang / yang lam 'bras brgyud pa'i bla ma'i sku 'dra rnams bzhengs/ sbra rtsi btang ste