[A:553]thang dkyil du bzhugs pa la mtshan mo/ mon pa dung long btags pa gcig byung nas dbon lha bzo ba myur du longs/ lder sku rnams ka drug mar spyan 'dren gyis zer ba de ltar byas nas yun mi ring ba nas drag char chen po byung ngo / /khyad par e waM chos ldan gyi dgon pa'i gnyer gtad bstan srung ni chos skyong zhal bzhi pas byed pa yin la/ de'i rgyu mtshan gyis chos skyong 'di'i bka' gtad kyang rje'i bzhugs khri la bzhugs pa re la ma thob na e waM gyi khrir 'khod dag la 'khu ldog 'byung bar bshad/ de'ang rje'i gsung nas 'jam dbyangs sher rgyam pa la/ khyed ci dang mi 'dra dgon pa 'di rang re dpon slob rnams kyis lto rgya ri la phug la byas nas rgyab pa yin/ nged kyi sdod sa 'dir khyed kyang bzhugs dgos pa 'ong gsungs nas zhal gyi rjes gnang gin 'dug /de dus gu ge paNDi tas kyang zhus pas khyod la mi 'ong gsungs nas ma gnang / u tshugs byas pas a tsa ra 'dis so bsod du mi 'jug par snang gsungs nas sngags kyi bzlas lung tsam rje paNDi tas kyang gsan zhes 'byung / des mtshon te rgyu mtshan mang yang re zhig de tsam mo/ /gur lcam dral dang zhal rnams kyi bstod pa mdzad tshe/ nub gcig pu tra na re/ nga la yang bstod pa byed dgos zer/ de'i bstod pa yang mdzad pas bar chad las grol ba dang / gzhan yang pu tra na re/ sngags 'chang kun dga' zla ba ni mi sdod par 'dug /nga la gtor ma zur du ster dgos zer ba dang / mdor na de dag la sogs pa chos skyong rnams kyi rnam 'phrul sna tshogs kyi sgo nas phrin las thams cad 'bad med lhun grub tu bsgrub pa yin no/ /gang zag dbang po kun gyi yang rab la/ /chos skyong dga' bas phrin las 'bad med grub/ /bsnyen sgrub las sbyor dag la mi ltos pa/ /dpal ldan bzang po'i phrin las e ma mtshar/ /zhes pa chos rje rin po che'i rnam par thar pa rgya mtsho chen po las chu'i thig pa tsam gcig tu mdor bsdus