[A:562]lo gnyis gsum zhal da'i lugs bzhin bgyid ces zhal da'i lan gyi zhu ba mdor bsdus shig phul/ zhib tu sang nas 'bul zhes zhus/ de yang chos rje'i dgongs pa la/ tshes bcu tsam la phebs snyam nas bya bral ba e byung ltos zhes yang yang gsung zhing / 'ja' 'od me tog gi char yang 'bab/ nyer lnga'i bar brtan par bzhugs pa ni/ rje 'di nyid la bstan pa gtad pa'i ched du yin par nges so/ /de nas nyi shu bzhi'i nyin ldan ma drung rin po che la bstan 'gyur 'di'i zhu dag dang grogs ldan byed bsam na'ang / da nye gnas pa la dpe cha springs la 'bri ba'i zhal da mdzod la khyed rang yul du byon dang / phebs tsam cig 'ong gsung ba'i zhal da mdzad do/ /de'i nyin rje mus pas zho bco brgyad yod pa'i gser thig po gcig gis mgos byas/ gser zho sum cu so bgrangs cig dang brtan bzhugs cig 'bul bar mdzad pa yin na'ang / zhing 'di'i bstan pa dang gdul bya rnams kyi bsod nams rdzogs pa dang / zhing khams gzhan du gdul bya shin tu rgya che ba la dgongs te/ sa ga zla ba'i nyer lnga'i snga dro/ de ring nyer lnga yin a gsungs/ yin lags zhus pas/ da lta khams shin tu bde/ ja zhim po cig bskol gsungs/ tsha ba tshar nas ja sun gnyis seng ba dang / lha rje gnyis po la chab thong / khyed rang steng du ja gsol/ da lta gdan 'dren byung na byon gsungs/ khong gnyis steng du song rjes/ sku drung na yod pa rnams la na bza' lci ba rnams logs su zhog /lus gnad bco rogs gyis la snam sbyar kho ba gsungs/ gzhan rnams phyir song gsungs/ de ltar byas pas zhing 'di'i sku dngos kyi gdul bya'i don rnams re zhig mthar phyin nas/ skye bo rtag 'dzin can rnams dge ba la bskul ba sogs kyi phyir/ rgyud sde nas gsungs pa'i 'da' ka ma'i thugs dam zab mo la mnyam par bzhag ste/ rlung sangs pa cig 'bud