[A:568]rgyud las/ yi ge e dbus seng ge waM/ /sangs rgyas kun gyi bde ba'i gnas/ /sku gsum thugs kyi sbyor ba yin/ /nam mkha'i khams su rdo rje sems/ /zla ba sa bon yi ge lus/ /nyi ma rdul dang tsheg drag dang / /sems kyi rnam pa yi ge la/ /e waM nam mkha'i khams na gnas/ /zhes so/ /gsum pa mtshon pa brda'i e waM ni/ rdo rje dril bu yab yum zhal sbyor dang / thabs shes rab dang / rdo rje padma sogs te/ chos thams cad bde stong du mtshon par byed pa'i brda'i e waM ste/ byang chub sems gang de rdo rje/ /shes rab dril bu zhes bshad do/ /zhes dang / kye rdo rje las/ bud med kakkol bde ba can/ /e waM rnam par rab tu gnas/ /zhes so/ /bzhi pa gnas lugs don gyi e waM ni/ bde stong zung 'jug lhan cig skyes pa'i ye shes mtshon par byed pa yin te/ dri med 'od las/ de bzhin du e yig waM yig rnam pa thams cad kyi mchog dang ldan pa'i stong nyid bde ba chen po dang / rdo rje sems dpa' dang / kun du bzang po dang / rigs brgya'i mgon po zhes sogs/ mdor na gnas 'di nyid la e waM 'dogs pa'i rgyu mtshan/ rgyal ba'i lung zin gyi skyes bu dam pa kun dga' bzang po de nyid mnga' ris stod smad rnams su spyan drangs shing / gdul bya rnams kyi don mdzad/ slar yang gnas mchog 'di kar chag phebs pa'i sang nyin gso sbyong rgyas pa zhig mdzad pa'i tshe/ mdang gi rmi lam du/ yi ge e dang waM gnyis las/ /chos kyi phung po 'byung bar 'gyur/ /zhes sogs e waM la bshad pa byed pa rmis shing / e waM 'di chos thams cad 'byung ba'i gnas yin pas nga'i dgon pa 'di la e waM thogs zhes gsungs pa yin no/ /e waM gyi sgra don zhib par shes par 'dod pas zha lu lo tsA ba chos skyong bzang po sogs kyi yig cha dang / dus 'khor phyi nang gzhan gsum gyi bshad par blta'o zhes pa de rnams kyis e waM gyi sgra don