[A:569]mdor bsdus bshad nas/ da ni gnas kyi yon tan mdo tsam brjod na/ rje bla ma'i thugs sras gu ge paN chen gyi gsung rgyun chos rje glo bo mkhan chen gyis bkod par mdzad pa ni/ ! oM swa sti siddhaM/ kun mkhyen dga' mdzad dpal 'byor bzang po can/ /skyes chen bla ma'i zhabs la gus btud nas/ /theg chen sgra dbyangs rtag tu sgrogs pa'i gzhi/ /mkhas mang 'byung ba'i zhing 'dir bsngags par bgyi/ e waM thams cad shes yig rgyal po yin/ /zab yangs dam chos ji snyed 'byung ba'i gnas/ /sangs rgyas rin chen khang bzang za ma tog /don kun sgrub byed bde chen ldan pa 'dir/ /yang dag mtha' dag thugs rje'i rang bzhin can/ /e waM 'khor lo'i mnga' bdag chen po ni/ /mi 'gyur chos kyi phyag rgyar rnam rol zhing / /sangs rgyas rnal 'byor seng ge'i khri la bzhugs/ /srid zhi'i dga' bde sgrub byed thub bstan yang / /yab gcig 'gyur med e dang shes rab yum/ /rnam 'phrul mtha' yas sprul pa'i dpal yon las/ /brgyad khri bzhi stong chos kyi phung por ldan/ /rtag par gsung dbyangs yan lag drug cu yi/ /rgya chen chos 'khor ring du bskor ba 'dis/ /kun gzigs zhing dang 'og min bde ba can/ /'di nyid tha dad tsam ste khyad par ci/ /rgyab ri rin chen dbang gi rgyal po yis/ /skye dgu'i dgos 'dod ma lus sgrub par byed/ /khams gsum kun las rgyal ba g.yas kyi ri/ /thub bstan rgyal mtshan mngon mtho 'dzugs pa lags/ /mdun ri dga' ldan dbang po 'gying ba ni/ /bslab gsum rin chen khur ldan 'dul ba'i tshul/ /lhag par rin chen 'byung ba'i rgyun lam yang / /lha yi lag 'gro'i longs spyod kun 'dus bzhin/ /nor 'dzin khyon rnams klu dbang dpal 'byor dbyibs/ /theg chen chos kyi sgra chen sgrogs pa'i dung / /legs bshad bdud rtsi'i dga' ston spyod pa la/ /mkhas mang mtha' dag 'dus 'dra g.yon zur ri/ /rab