[A:570]brjid lhun chags dbus kyi g.yo med mchog /lhar bcas 'gro kun skyob pa'i dpal yon can/ /kun nas chu klung rnam bzhi'i rgyun ldan pa/ /grub mtha' rnam bzhi'i bshad rgyun ring ba'i rgyu/ /ri ngogs dpag bsam dbang po rgyas 'dra ni/ /kun gzhi'i sa bon zab lam bdud rtsis bskyed/ /nyams rtogs 'dab rgyas sku bzhi'i 'bras bzang can/ /sgrub pa'i drang srong ljon pa rgyas pa'i dpal/ /bsam 'phel yid bzhin mdzod 'dzin klu dbang gis/ /rgya mtsho'i gos can bdag tu byas pa 'di/ /bshes gnyen mkhas mang rgyun du 'byung ba'i dpal/ /'dzin ma'i khyon rnams 'dab rgyas 'dra ba ste/ lung rigs smra ba'i bung ba kun 'du'i gzhi/ /rtsi sman 'bru bcud rtag par 'phel ba'i sa/ /gdul bya'i dpal 'dzin skye dgu'i nyer 'tshor gyur/ /chos sgra chen po'i rgya khyon ji snyed pa/ /mthu ldan dpa' bo dbang phyug rig byed bzhin/ /dus gsum rgyal ba'i zhing khams ji snyed kun/ /chos bzhin skyong mdzad gang des dbang mdzad rgyal/ /de lta'i gnas 'di sangs rgyas kun gyi zhing / /'chi med chos sgra sgrogs pa gdul bya'i dpal/ /rnal 'byor dbang phyug lam bzangs bdud rtsi'i sgo/ /'jam dbyangs rnam 'phrul sa skya'i gdan sa nyid/ /yon tan phul byung khyed kyi zhing khams che/ /dbyangs can pir gyis bkra ba'i gser mig gis/ /phreng du 'god mkhan grags pa rgyal mtshan dpal/ /bzang po'i gsung bzhin legs pa'i 'byung gnas so/ /zhes gsungs te 'di zhib tu bshad na e waM gyi sgra don dang gnas kyi yon tan gnyis rgyas par ston par 'gyur ro/ /yang e waM chos ldan gyi zur chen bla ma sangs rgyas lhun grub kyis bsngags pa 'di ltar mdzad de/ ! dpal e waM chos ldan la bstod pa kA li'i rgyan rnam par bkra ba zhes bya ba/ 'phags pa ngag gi dbang phyug la phyag 'tshal lo/ /ka lA pa yi lho yi phyogs/ /kha ba can gyi ri yi ljongs/ /ga sha sogs kyi dben pa'i gnas/ /nga yi bla