[A:571]ma'i dgon pa 'di/ /ca co spangs nas chos sgra sgrogs/ /cha lugs mi gtso mkhas pa bkur/ /ja bzang longs spyod chang dang bral/ /nya sha sogs spangs dkar gsum bsten/ /ta la'i ljon ltar bu slob rgyas/ /tha mal skye bos rgyu ba nyung / /da lta bde skyid phun sum tshogs/ /na rga'i rgya mtsho ngang gis skems/ /pa tra'i ri mo ltar bkra'i blos/ /pha rol phyin dang sngags kyi gzhung / /ba mo'i grangs mnyam la mkhas pa/ /ma lus 'di na ngang gis 'du/ /tsa ri tra sogs rab bgrod pa'i/ /tsha grang ngal dub med pa yang / /dza lang sems rgyun 'dul ba'i chos/ /wa ka'i chu bzhin 'di na 'bab/ /zha nye zangs lcags gser dngul dang / za 'og la sogs 'dzom pa 'di/ /'a cag gzu bor gnas pa'i blos/ /ya rabs skye bo'i gnas su mthong / /ra gan gser du brdzus pa lta'i/ /la la'i grub mtha' sna tshogs pa/ /sha pa'i gnas ltar bsregs pa yang / /sa yi steng na 'di kho na/ /ha yig thig ler ldan pa dang / /a thung tsaNDa lI yi chos/ /'di na tshogs pa ma yin par/ /su zhig gis ni rnam par dbye/ /de ltar rmad du byung ba'i chos/ /tshul bzhin bsngags pa'i dge ba yis/ /skye bo sred pa'i nad brgya las/ /sgrol ba'i dga' bde myong bar shog /ces sogs gsungs/ yang mkhas pa'i dbang po dkon mchog lhun grub kyi zhal slob shar dgas po'i paNDi ta rje btsun phrin las pa 'jigs bral gsung rab gter mdzod sbas pa'i sde phyogs las rnam par rgyal bas/ dpal e waM chos ldan gsang sngags kyi pho brang chen po'i rten gdan rabs dang bcas pa la bstod pa DA ki rnam par bzhad pa'i glu dbyangs zhes bya ba las brjod bya rags pa tsam bshad na/
gnas sam rten la bstod pa thun mong min pa'i rgyan/ /
e yig rnam kun mchog ldan bdag med ma/ /waM yig bde chen mi 'gyur dges mdzad yab/ /zung 'jug gsang chen theg pa'i chos 'khor gyis/ /skal ldan 'gro kun smin par mdzad pa'i sa/ /