[A:༢༢བ] བྱང་ཆུབ་བཟང་པོ། རིག་པའི་ཁུ་བྱུག ཨ་བ་དྷཱུ་ཏི་པ། རྣལ་འབྱོར་ས་རཱ་ཧཱུ་ལ་གུཔཱ། བོད་སྐད་དུ་གསང་བའི་སྒྲ་གཅན་འཛིན་ཞེས་པ་རྣམས་ལ་ཐེག་པ་ཆེན་པོའི་ཆོས་མཐའ་དག་དང། ཁྱད་པར་རཱ་ཧུ་ལ་ལ་དགྱེས་རྡོར་ཞུས། མཚན་ཡེ་ཤེས་གསང་བའི་རྡེ་རྗེ་ཞེས་བཏགས། རྒྱུད་མན་ངག་དང་བཅས་པ་རྫོགས་པར་གསན། དེ་ནས་ལོ་དྲུག་རིག་པ་བརྟུལ་ཞུགས་ཀྱི་སྤྱོད་པ་མཛད། ཁྱད་པར་དུ་རྒྱུད་སྡེ་བཞི་ལ་སྦྱངས་པས་མཁས་ཤིང་གྲུབ་པ་བརྙེས། ཡི་དམ་མང་པོའི་ཞལ་གཟིགས། ཏིང་ངེ་འཛིན་དཔག་ཏུ་མེད་པ་འཁྲུངས། མངོན་ཤེས་ལྔ་ཐོབ། རྡོ་རྗེ་རྣལ་འབྱོར་མ་དང་ཞལ་དངོས་སུ་མཇལ། དཀྱིལ་འཁོར་སྤྲུལ་ནས་དབང་བསྐུར་ཏེ། རྒྱུད་མན་ངག་འདུས་པར་གནང་ངོ། དེའི་ཚེ་སྔགས་ལ་མཁས་པའི་ཐུགས་རྒྱལ་བྱུང་བ་ལ། མཁའ་འགྲོ་མ་རྣམས་ཀྱིས་ཨོ་རྒྱན་ནས་རྒྱུད་ཀྱི་གླེགས་བམ་བསམ་གྱིས་མི་ཁྱབ་པ་སྤྱན་དྲངས་ཏེ་ཐུགས་རྒྱལ་བཅག། དེ་དུས་བྷཾ་ག་ལའི་བསྟན་པ་ཕལ་ཆེར་མུ་སྟེགས་པ་ལ་ཤོར་བ་དང། དེའི་གནས་བརྟན་མྱ་ངན་དུ་གྱུར་པ་ལ། ཇོ་བོ་འདི་སློངས་མོ་བའི་ཚུལ་གྱིས་བཞུགས་པའི་ཚེ། སྐུ་ལ་འོད་ཟེར་འཕྲོ་བ་མཐོང་བས་མུ་སྟེགས་དང་རྩོད་ནུས་སམ་ཞུས་པས་ནུས་གསུངས། དེ་ནས་དུས་བྱས་ཏེ་བརྩད་པས། ཕྱི་རོལ་པ་ཐམས་ཅད་ཚར་བཅད་དེ་བསྟན་པ་ལ་བཙུད་དོ། གཉིས་པ་ནི། ཇོ་བོའི་དགོངས་པ་ལ། ད་ནི་རྣལ་འབྱོར་པའི་ཆུ་ལུགས་ཀྱིས་ནགས་སམ། དུར་ཁྲོད་དུ་བསྡད་ལ་གསྔགས་ཀྱི་སྒོ་ནས་མཆོག་བསྒྲུབ་དགོངས་པ་ན། རཱ་ཧུ་ལ་གུཔཱ་རི་བྱ་རྐང་ཅན་ན་བཞུགས་པས་མཁྱེན་ནས། རྫུ་འཕྲུལ་གྱིས་བྱོན་ནས་རབ་ཏུ་འབྱུང་བར་བསྐུལ་བ་དང། རྣལ་ལམ་དུ་གཙུག་ལག་ཁང་ཆེན་པོ་ན་སྟོན་པ་ཉན་ཐོས་དང་བཅས་པའི་གྲལ་བཤམ་ན་བཞུགས་པ་ལ། ཐུབ་པའི་གསུང་ནས། མི་མ་ཀི་ཅི་ལ་ཆགས་ནས་རབ་ཏུ་མི་འབྱུང་
གསུང་
བས་ཐུགས་