[A:༣ན]གཞག་བཞག་སྟེ་མ་འོངས་པའི་དུས་སུ་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པས། ནམ་མཁའ་ལ་འཕགས་ཏེ་ཏིང་ངེ་འཛིན་བརྒྱ་སྟོང་མངོན་དུ་བྱས་ནས་ས་བརྒྱད་པ་ཐོབ་སྟེ། ཇི་སྐད་དུ། སངས་རྒྱས་མར་མེ་མཛད་ལ་ཨུཏྤལ་ལྔས། གཏོར་ཏེ་རལ་པ་གདན་དུ་བཏིང་བྱས་པས། མི་སྐྱེའི་ཆོས་ལ་བཟོད་པ་ཐོབ་གྱུར་ནས། ཤཱཀྱའི་རྒྱལ་པོར་འགྱུར་ཞེས་ང་ལུང་བསྟན། ཞེས་པ་དང། ལུང་ལས། གང་ཚེ་མར་མེ་མཛད་ཀྱིས་ང། ལུང་བསྟན་གྱུར་པ་དེ་ཡི་ཚེ། ས་བརྒྱད་པ་ནི་ཐོབ་གྱུར་ཏེ། དབང་བཅུ་དག་ཀྱང་ཐོབ་པར་གྱུར། ཞེས་སོ། དེ་ནས་གྲངས་མེད་གཅིག་ཏུ་ཚོགས་བསགས་པས་ས་བཅུ་རྫོགས་པར་གསུངས་པ་འདིར་དོན་ལ་གནས་སོ། ཚོགས་ཀྱི་ངོ་བོ་ནི་བསད་བསོད་ནམས་དང་ཡེ་ཤེས་ཏེ། ཕ་རོལ་དུ་ཕྱིན་པ་དྲུག།བསྡུ་བའི་དངོས་པོ་བཞི་དང་ལྡན་པ་ལ་འཇུག་སྟེ། རྒྱས་པར་གཞན་དུ་བལྟའོ། གསུམ་པ་སངས་རྒྱས་པའི་ཚུལ་ནི། དེ་ཡང་བྲམ་ཟེའི་ཁྱེའུ་བླ་མ་ལས་རིམ་གྱིས་ཚེ་འཕོས་ནས་དགའ་ལྡན་དུ་ལྷའི་བུ་དམ་པ་ཏོག་དཀར་དུ་གྱུར་ཏེ། དགའ་ལྡན་གྱི་ལྷ་རྣམས་ལ་ཆོས་སྟོན་པ་ན། སྔོན་གྱི་དགེ་བའི་མཐུས། ལྷ་རྣམས་ཀྱི་རོལ་མོའི་སྒྲ་ལས་མར་མེ་མཛད་ཀྱི་ལུང་བསྟན་དགོངས་པར་མཛོད། ཅེས་སོགས་ཀྱིས་བསྐུལ་བ་གསན་པས་ཛམ་འཛམ་བུའི་གླིང་དུ་གཟིགས་པ་རྣམ་པ་བཞིའམ་ལྔ་ལས། བཞི་ནི་རྒྱ་ཆེར་རོལ་པ་ལས། གནས་ཛམ་འཛམ་བུ་གླིང། དུས་ཚེ་ལོ་བརྒྱ་པ། རིགས་རྒྱལ་རིགས། ཡུམ་སྒྱུ་མ་ལྷ་མཛེས་སམ། ལུང་ལྟར་ན། བཙུན་མོའི་འཁོར་དང་ལྔ་ལ་གཟིགས་ཏེ་གཤེགས་པར་བཞེད་པ་ན། མ་ཕམ་པ་ཉིད་ཀྱི་རྒྱལ་ཚབ་ཏུ་དབང་བསྐུར། དེ་ནས་མང་པོས་བཀུར་བའི་རྒྱལ་པོ་ནས་མི་རབས་ས་ཡ་གཅིག་