[A:༤༠ན] དེར་ལོ་ཙཱ་བས་ཐེག་པའི་ཉམས་སུ་ལེན་ལུགས་ཞུས་པས། ལོ་ཙཱ་བ་དེས་མི་འོང་གསུང། འོ་ན་ཁྱེད་རང་ཇི་ལྟར་མཛད་ལགས་ཞུས་པས་ཅི་ཟེར་གནས་གར་སྡོད། གྲོགས་སུ་དང་འགྲོགས། སྤྱོད་ལམ་ཅི་བྱེད་ཀྱང་འདུལ་ཁྲིམས་ལ་གཞི་བྱས་ལ། སེམས་ཅན་ཐམས་ཅད་མ་ཡིན་པས་དེར་བསྒོམ་དགོས། མ་ལྷར་དག་སྣང་སྦྱོང་། ལྷ་སྐྱེ་མེད་ཡིན་པས་དེར་བསྒོམ་འདྲིལ་མ་ཤེས་ན་སྙིང་པོ་
མི་ལོན་
ཞེས་གསུང་ནས། འདི་སྐད་དུ་ ཁྲིམས་ནི་ཡོན་ཏན་ཀུན་གྱི་གཞིར། རང་གི་སྟོན་པས་ལེགས་པར་གསུངས། སྙིང་རྗེ་ཆེན་པོ་དང་འབྲེལ་བའི། བྱང་ཆུབ་སེམས་ནི་མཆོག་ཏུ་བསྔགས། བཟང་རྟོག་མཚན་མས་མ་བཅིངས་པའི། སྐྱེད་རྫོགས་ཟུང་འབྲེལ་ངེས་འཚང་རྒྱ། སྐྱེས་བུ་ཆུང་དང་ཆེར་གྱུར་པའི། བྱ་བ་འདི་ཡིན་འབྲིང་པོ་ལའང། མི་རྟག་བརྩོན་པས་བསྐུལ་བ་གཅེས། རང་དགའ་སྤངས་ནས་རྒྱལ་བའི་བཀའ། རྒྱས་པར་བྱེད་པ་མཁས་པ་ཡིན། སྙིང་པོར་བསྡུས་ནས་ཉམས་ལེན་པའི། སྐྱེས་བུ་དེ་ནི་བཟང་པོར་གྲགས། ལས་འབྲས་ཁྱད་དུ་མི་གསོད་པའི། བག་ཡོད་ཅན་དེ་བཙུན་པོར་བཞེད། ཀུན་ཤེས་གཅིག་བརྡུགས་མཁས་པའི་སྐྱོན། ལག་ལེན་མི་བྱེད་འཆལ་པ་ཡིན། བླང་དོར་མི་བྱེད་བཙུན་པོའི་གསོབ། ཤེས་པར་མཛོད་ཅིག་རིན་ཆེན་བཟང། ཐུགས་རྗེ་ཆེན་པོས་བསྐུལ་བར་ཟད། ཅེས་གསུང། ལོ་ཙཱ་བས་དམ་པར་ཤེས་ནས། ལྷ་ཡི་ལྷར་གྱུར་པཎྜི་ཏ། རྣམ་དག་སྐུ་མཆོག་ཁྲིམས་ཀྱིས་སྤྲས། དོན་གཉིས་འབྱོར་པའི་ནོར་གྱིས་ཕྱུག།གྲོལ་ནས་འདྲེན་པར་ཁོ་བོས་འཚལ། ཁོ་བོའི་ལུང་རིགས་སྒྲོན་མེ་ཡིས། སྦས་པ་ཁྱོད་ཀྱི་ཡོན་ཏན་མཐོང། སྔན་སྔོན་ཆད་ཚིག་དང་འགལ་ན་ཡང། ད་ནི་ཁྱེད་བཞིན་ཉམས་སུ་བླང། ཞེས་བསྟོད་དོ། གཞན་ཡང་མདོ་སྔགས་ཀྱི་ཆོས་རང་རང་གི་སྐལ་བ་དང་འཚམ་པར་གནང་སྟེ། བོད་ལོག་