[A:50b] lha'i bu tshul khrims ldan zhes 'gyur bar gsungs so/ de'i srol 'dzin byon tshul la gsum/ ra sgreng du byon tshul/ sku mched gsum byon tshul/ de las 'phros pa byon tshul lo/ dang po ni/ rnal 'byor pa chen po ston pa yang lo dgu bsten/ ra sgreng gi gdan sa lo bcu gnyis mdzad pa'i ring dgon pa gong nas phyir byon/ da lta dbu rtse ka ba bcu drug ma'i sa der gzims chung mdzad/ de dus zhang 'phrang kha ber chung gi sras/ dgra bcom/ de'i sras dar ma ye shes kyis/ ka gnyis ma'i khyams smad/ khyams chung nag tshang gsum mdzad de/ rab gnas rnal 'byor pa chen pos mdzad/ sa tra mang du gtsugs/ gdul bya du ma smin par mdzad de/ dge 'dun sum brgya tsam 'dus/ drug bcu rtsa gnyis pa 'brug lo rgyal zla ba'i tshes brgyad la ra sgreng nas thegs/ dpe la lar/ rta lo sa yos la thegs pas bdun bcu tham pa bzhugs zer ba yang snang ngo/ de nas dpal ldan dgon pa ba gdan sar bskos/ ston pa lo dgu bsten/ rnal 'byor pa dang 'dra/ ra sgreng gi gdan sa lo bcu mdzad/ dgon pa gong ma rang du bzhugs nas sne'u zur pa la sogs pa'i slob ma mang du smin par mdzad de/ drug bcu rtsa bdun pa khyi lo'i mngon bar byang chub pa'i nya la ra sgreng nas thegs/ dgon pa ba la slob ma mang du byon pa'i mchog bu chen/ rgyu ni rlung shod rgyug pa'i zhang ka ma ba shes rab 'od/ kha rag sgom chung/ rog phyor phu ba smra ba'i seng ge/ mtha' bzhi sgom pa/ 'phan yul rgyal du gnyan sna mo ba dang/ 'bre ko te lung pa tshul khrims rgyal/ dar yul du chu sgom gzhon nu snying po dang/ 'tshur sgom ye shes rgyal mtshan gnyis/ 'phan yul snya ra dben mor 'gar 'dul 'dzin/ spras thong pa sar sne'u zur pa rnams so/ de rnams kyi nang nas