[A:51a] chos brgyud 'dzin pa'i mchog sne'u zur pa yin te cung zad 'og tu 'chad do/ de rnams rnal 'byor pa dang thun mong ba'i slob ma yin kyang dgon pa ba'i bu chen du drangs song kha rag sgom chung ni gtsang du sku 'khrungs/ lam po gnas su mkhan po mar sgom la rab tu byung ste/ mtshan dbang phyug blo gros su btags/ dang por sbas sgom bsod nams rgyal mtshan
ye shes yang zer
bya ba jo bo'i slob ma gcig la chos gsan/ de nas ra sgreng du byon loo drug bzhugs nas rnal 'byor pa dang/ dgon pa ba gnyis la chos mang du gsan/ gtsang bu'i thugs dgongs la da ni rang gis kyang chig kya thub zer 'ong snyam ste/ nyung ma'i sa bon phul gang khyer nas sprags kyi sme'u ke rur byon/ dbyar lo thug gsol/ dgun nyung thug la phyed thun re btab nas gsol kyin lo bcu gcig tu sgrub pa rtse gcig mdzad/ de nas kha rag tu byon nas sgrub pa mdzad pas kha rag sgom chung du grags/ kha gcig mtho chos dang ang yig bdun bcu rnams sprags su mdzad zeer te/ rnam thar na kha rag shar du mdzad gsung ngo/ 'dis rnal 'byor pa gong 'og gi gsung la brten te/ lam rim don tshan bcu gnyis su bsdus pa mdzad de/ kha rag skor gsum du grags pa'i gcig gi rtsa ba yin no/ bdun bcu rtsa lnga pa la gtsang gi phug nag po bya bar sku gshegs khar/ lo pa la/ skyes pa'i yul spongs/ nye du dang thag bsrings/ bshes gnyen rtag tu bsten/ khrul hrul po'i gos gyon/ dman pa'i sa bzung/ ngan pa'i zas zo/ rgya skad chu bzhin du 'thung la sgrub pa gyis gsung ba'i gdams ngag gnang ste/ rus pa lhag rol bsdus la/ byang ra sgreng na dpal ldan dgon pa ba'i sku 'bum yod pas/ de'i grib ma dang ser bu 'phog sar bskyol zhig gsung ste/ de ltar byas so/