[A:50a] bcas pa lung bstan cing/ las can brgyad bcu'i nang nas grags che ba gong du bshad pa'i khams pa sku mched bzhi dang/ gzhan yang khams nas rnal 'byor pa byams pa'i blo gros/ yongs rdzogs rnal 'byor pa/ lho brag nas rnal 'byor pa phyag khri mchog/ btsun pa dge skyong/ bi ri rnal 'byor pa/ stong btsan na mgo kyu ra gzhon nu 'od zer/ lhab mi shes rab g.yung drung/ sgom pa rin chen bla ma/ gtsang pa jo pad/ ka ba rgya dkar/ mar pa jo legs/ bran ka jo btsun/ sum sgom dbang phyug 'od zer/ rnal 'byor pa g.yung drung rgyal mtshan te 'di rnams jo bo dang ston pa thun mong ba'i slob ma yi dam gyi lha zhal gzigs pa/ skyes bu chen po'i lam la zhugs pa sha stag go sras kyi thu bo sku mched gsum yin la/ kha cig kham pa lung pa dang sku mched bzhir yang 'dod de/ 'dis yung ba'i kham lung du/ dgon pa btab 'gro don mdzad cing lo dgu bcu rtsa gcig bzhugs/ gzhan yang zhang ye shes rgyal mtshan/ brag rgyab pa gnyan ston shaka 'byung/ mnga' ris 'dul 'dzin/ rgyug pa'i zhang chen po/ rnam thar gtsang ma'i ka kyog pa chen po/ 'dzin sgom yon tan 'bar/ sgro byang chub tshul khrims/ a mi thar pa rgyal mtshan/ a mes sman rgan la sogs pa de rnams bshes gnyen ston pa'i slob ma thun mong ma yin pa grags che ba rnams yin no/ de ltar slob ma rnams smin par mdzad de lo dgur bstan pa'i mnga' bdag mdzad nas/ drug bcu rtsa gcig sa 'brug lo tshul zhugs zla ba'i tshes nyi shu la ra sgreng nas/ rje btsun byams pa'i drung na/ jo bo lha'i bu nam mkha' dri ma med pa zhes pa'i drung du gshegs/ bka' gdams glegs bam las/ ston pa lha'i bu rgyal ba rgya mtsho/ ka ba shAkya dbang phyug/ lha'i bu shAkya dri med/ rngog legs she/ lha'i bu shes rab sgron ma/ lo tsA ba nag tsho