[A:51b] de nas ra sgreng du dpal ldan dgon pa ba'i rjes su spo to bas gdan sa lo gsum mam gcig mdzad kyang zer te zhang chos rgyal la sogs pa khams pa ma rungs pa 'ga' zhig gis bzhugs dbang ma byung ba dang/ spo to ba rang gi rnal lam du yang zhing pa ma dul ba sogs byung bas/ der ma bzhugs par sku mched gsum pos dka' thub kyi ri sul rnams su drang srong gi spyod tshul gyis/ gnas nges med du thugs dam dang gzhan phan gang 'phel mdzad pas/ ra sgreng du gdan sa la bar stongs lo sum bcu tsam dang/ chos tshugs la yang dar rgud cher byung/ de nas sku mched gsum gshegs nas lo gcig gnyis na mtha' bzhi sgom pa bya ba ston pa la yang thug cing/ sku mched gsum gyi slob ma yin pa yi dam gyi lha mang po zhal gzigs shing/ gzhan don phrin las la dbang 'byor ba des/ bla ma'i gdan sa nyams pa'i gtam gsan pas/ ra sgreng du byon gnas tshul rnams gzigs te/ shar ba pa bzho'i khang pa gnas na bzhugs pa dang/ bya yul ba chen po/ glang ri thang pa/ ka ma ba/ lor sdings po ba rnams kyi drung du byon nas/ khyed rnams bla ma'i gdan sa la phyi mig blta na dus la bab nas 'dug gsung ste bskul bas/ de rnams kyis grogs mdzad/ 'bul ba chen po byung ste pa tra yang mang du gtsugs/ bud med dang ra lug rnams phud/ chos khrims shin du dam pa dang/ dge 'dun mang po yang bzhugs par mdzad de/ chos srol cher gtsugs/ tshogs dpon bshes gnyen mtha' bzhis lo shas su mdzad do/ khyad par shar ba pas ka gnyis ma'i nub tu dbu rtse ka dgu ma gcig dang por bzhengs pa/ phyis dpon gyad pa dang/ zi gu chos grags gnyis kyis mgo byas bzang 'dus bcu drug bya bas bdag rkyen byas nas/ ka chen