[A:52a] bcu drug yod pa/ sgo lhor bstan/ nyis thog gser 'bru gser bya gnyis dang bcas pa bzhengs/ de'i khyams smad sgang phyug po bya bas byas so/ spo to ba bzhud nas lo mang po'i bar du mtha' bzhi la sogs pa bgres pa res gral dbu tsam ma gtogs/ gdan sar ming btags pa dang/ 'chad nyan sogs cher med la/ skabs shig tu rngog blo ldan shes rab la phul bas/ gsang phu dang sbrel te lo kha yar du chos bar zla ba gcig gnyis tsam du bzhugs pa yang mdzad do/ de nas ka gnyis ma bzhengs nas lo dgu bcu rtsa gsum lon pa sa pho 'brug gi lo la ka pa nyi shu rtsa bzhi ma bzhengs pa'i sbyin bdag 'phreng kha ber chung gi sras/ chos grags/ dgra bcom/ lhun po gsum/ lhun po'i bu spyan ras skyabs/ shAkya skyabs/ ye shes skyabs/ padma skyabs dang bzhi 'ong / padma skyabs kyi bu jo yis/ jo rgyal gnyis/ jo yis kyi bu zhang ye/ se'o gzhon tshul/ thang po/ khams pa grags dang bzhi'i nang nas/ se'o gzhon tshul des spyir ra sgreng gi skor du zhabs tog cher mdzad/ khyad par dbu rtse ka ba nyi shu rtsa bzhi/ ka gnyis ma'i shar phyogs su bzhengs par 'dood pa la/ rin chen sgang du sangs rgyas
dben
ston la sa dpyad zhus pas/ shar nub nas rdo gnyis khyer shog gsung ste/ de la gzigs pas/ shar phyogs klu'i rgyal po'i pho brang la gnod par 'dug pas/ nub phyogs su gyis gsungs pas/ zhang 'od 'jo bas ra sgreng du lo bcu gnyis bzhugs pa'i bcu pa'i thog tu sa chog mdzad/ rmang bting/ de nas lo gnyis pa lcags pho rta'i lo bdun bcu rtsa gsum pa bya zla'i tshes bcu bco lnga la thegs/ 'di 'phan yul 'jog po 'chad khar byon pa bshes gnyen nam mkha' 'bum gyi bla ma de yin no/ de nas gzhon tshul gyis ka ba nyi shu rtsa bzhi nyis thog sgo lhor bstan/ spen bad gser 'brus mdzes pa byas/ de'i