[A:5b] gzhi
kun
yod par smra ba'i sde dang/ 'od srungs kyi sde dang/ sa srungs sde dang/ chos srungs kyi sde dang/ mang du thos pa'i sde dang/ gos dmar can gyi sde dang/ rnam par phye ste smra ba'i sde rnams ni slob dpon gyis phye zhing/ 'phags pa gnas brtan pa la/ rgyal byed tshal du gnas pa/ 'jigs med du gnas pa/ gtsug lag khang du gnas pa gsum ste/ gnas kyi sgo nas dbye ba gsum mo/ mang pos bkur ba la/ sa sgrogs ris dang/ bsrung ba pa dang/ gnas ma bu pa'i sde pa ste don gyi sgo nas phye ba gsum mo/ gnyis pa theg chen thun mong ma yin pa'i bsdus tshul ni/ rgyal po'i khab kyi lho phyogs/ bi sa la sam bha ba zhes pa'i ri la/ rgyal sras 'bum phrag bcu 'dus te/ 'jam dpal gyis mngon pa/ byams pas 'dul ba/ phyag na rdo rjes mdo sde bsdus shes zhes grags zer/ rtog ge 'bar ba las kyang/ theg pa chen po sangs rgyas kyi gsung yin te/ rtsa ba'i bsdud par byed pa po kun du bzang po dang/ 'jam dpal dang/ gsang ba'i bdag po dang/ byams pa la sogs pa rnams kyis bsdus pa'i phyir ro/ bdag cag gi rtsa ba'i bsdud par byed pa po nyan thos ni ma yin te/ theg pa chen po'i gsung ni de dag gi yul ma yin pa'i phyir zhes so/ theg pa chen po gsang sngags kyi bsdud pa po ni/ rgyud rang rang gi zhu ba pos bsdus pa yang yod la/ phal cher phyag na rdo rjes bsdus pa nyid do/ de thams cad kyang dus kyis dbye na 'khor lo rim pa gsum mam bzhi/ rjod byed kyis dbye na gsung rab yan lag bcu gnyis sam sde snod gsum/ brjod bya bslab pa rin po che gsum du bstan pa'i chos thams cad 'dus par gsungs la/ gsang sngags ni shAnti pas/ zam mo'i don bsdus te ston pa'i phyir mdo sde'o zhes dang/ dpung