[A:5a] byas te/ thams cad kyang kha tshar ma nyams pa re reer gyur pa rmis pas/ 'od srungs kyis ma 'ongs pa'i dus su shAkya thub pa'i bstan pa la nyan thos sde pa bcu bco brgyad du 'gyur ba ni/ ras yug gcig dum bu bcu bco brgyad du gyur pa'o/ thams cad kyang kha tshar ma nyams pa ni sde pa de dag re re'i grub mtha' la brten nas kyang rnam grol gyi 'bras bu thob par nus pa'o/ zhes mdo las bshad do/ 'di dag gi khyad par la rtsa ba'i sde bzhi ni/ phal chen pa/ thams cad yod par smra ba/ gnas brtan pa/ mang pos bkur ba rnams legs sbyar gyi skad dang/ rang bzhin gyi skad dang/ zur chag gi skad dang/ pi sha tsi'i skad du so sor gnas pa yin no/ de las gyes pa bcu bco brgyad ni dul ba'i lhas/ shar dang nub dang gangs ri dang/ 'jig rten 'das par smra ba dang/ rtag par smra ba'i sde pa rnams/ lnga tshan dge 'dun phal chen pa/ gzhi kun pa dang 'od srungs ste/ sa srungs sde dang chos srungs sde/ mang thoos gos dmar slob ma dang/ rnam par phye ste smra ba'i sde/ thams cad yod par smra ba yin/ rgyal byed tshal gnas 'jigs med gnas/ gtsug lag khang chen gnas brtan pa/ sa sgrogs ris dang bsrung ba pa/ gnas ma bu yi sde rnams ni/ kun gyi bkur ba rnams la gsum/ yun don slob dpon bye brag gis/ tha dad rnam pa bcu bco brgyad 'gyur/ zhes gsungs pa'i don/ phal chen pa la/ shar du gnas pa/ nub tu gnas pa/ gangs rir gnas pa/ gsum ni yul gyis phye ba yin la/ 'jig rten 'das par smra ba/ rtag par smra ba/ gnyis ni don gyis phye ba'i sde pa ste lnga'o/ thams cad yod par smra ba'i sde pa la