[A:58b] yab jo bo dar ma mdo bzang gi sras su shing pho rta la 'khrungs/ rus zhugs tshang/ kho rang gi zhang po bshes gnyen grog mo mkhar pa la rab tu byung/ mtshan rdo rje seng ger btags/ rgyal ba 'od dpag tu med pa'i sprul par byed la/ sngon lo tsA ba ka ba dpal brtsegs su sprul nas bstan pa ches cher gsal bar mdzad cing/ 'dir gdul bya blo dman pa rnams kyi ngor/ dang po shin du bkren pa'i tshul mdzad de lo na spyan snga la chos gsan dus yos sbar ba res gdan gnon mdzad kyi bzhugs/ de nas bsod snyoms mdzad pa'i rnyed pa gang byung/ spyir dge 'dun dang/ khyad par spo to ba dpon slob la drangs pas sku bsod skyes pa ltar mdzad de/ gra grwa pa nyis stong tsam 'tshogs pa'i rgyags khong rang gis gnang/ gnas nges med du bshad sgrub zung 'brel du mdzad/ gtso bor spo to ba yun ring du bsten/ phu chung ba dang/ kham pa lung pa chen po sogs la yang chos gsan/ spo to ba gshegs nas thang grong ltag tu gtor ma mdzad dus/ gtor sder bya rog gis khyer te/ glang thang gi shar ri de'u de'i khar gzhag pas/ dpon shAka bya bas zhabs tog byas te der lo gsum sgrub pa mdzad/ zhol du sgrub chu yang byung/ nyin mtshan dbyer med du byang chub kyi sems kyi ting nge 'dzin bsgoms pa'i mdangs la/ klu mo spun gsum gyis glang thang gi gnas phul/ dge 'dun gyi sde 'dzugs par zhus/ phyis ri de'i steng nas yar 'phur te thugs phreng skyur sar khron pa brus/ dbu zhwa skyur sar bla brang byas te dgon pa btab/ slob ma mang du 'dus/ bka' gdams gzhung drug lam sgron sogs la 'chad nyan mdzad cing/ bdag gzhan brje ba'i byang chub