[A:69b] pa la byon pas/ bya yul ba chen po 'brom smon grong du chos bar la byon pa'i chos nyan mang po dang phrad de sprul sku bya yul ba la chos nyan du 'gro zer/ de la yon tan ci yod byas pas/ gzhan mi shes bla mas byin gyis brlabs pa gcig yin par 'dug zer/ khong gis kyang tshod blta ba'i phyir chos grwa'i mthar bzhugs pas/ sems la phan pa mang du byung ste/ mjal nas mi phyed pa'i dad pa 'khrungs/ phyags phyir bya yul du byon nas/ lo bcu bzhi bsten/ bka' gdams kyi chos thams cad rdzogs par gsan yi dam mang po'i zhal gzigs/ chos nyid kyi bden pa mngon sum du gzigs te/ phyis lor byon pa la/ mkha' 'gro ma dung phreng can mang pos bsu ba mdzad de/ rdo rje gdan gyi chos skyong dang gcig par snang gsung/ dgung lo re gcig la dga' ldan du 'byon pa'i rnal lam byung bas/ sgrol ma dkar mo'i sgrub pa mdzad/ lo'i gdan sar lo bcu bco lnga bzhugs te/ brgyad bcu rtsa lnga pa lcags 'brug zla ba bzhi pa'i tshes brgyad la lor thegs/ 'di la slob ma dge bshes 'gar la sogs pa bu bzhi dang/ tshe blos thengs pa sdings po ba sogs bcu bzhi byon te ma spros so/ de'i slob ma rin po che glang lung pa ni/ 'khrungs yul stod lungs nga tshur yab rdo rje grags dang/ yum hor bza' mgon mo'i sras su chu yos la 'khrungs/ lo bcu dgu la pa tshab lo tsA ba la rab tu byung ste/ mtshan brtson 'grus gzhon nur btags/ zur chos pa gcig la 'dul ba mkhas par bslabs/ nya ga mo pa la lo bdun lam rim tshar gcig tu basbyangs pas/ ji ltar 'dod pa bzhin du blo bkol du btub pa byung gsung/ nyer bdun pa la