[A:70a] snon gyi gyad par bya 'dul 'dzin/ phya pa chos seng/ btsun pa chos mchog gsum la bsnyen par rdzogs/ de nas lor gtsang pa rin po che lo lnga bsten te chos mang du gsan/ dad gus tshad med pa 'khrungs pas/ rtogs pa 'khrungs tshul sogs mang du 'byung la/ sngon du lo'i gdan sa lo bcu gnyis dang/ de nas lo bya yul sbrel nas lo drug ste bcu bco brgyad mdzad/ bdun bcu rtsa lnga la nya drug zla ba'i tshes brgyad la bya yul du thegs/ glang lung pa'i dus su chos rje 'jig rten mgon po bya yul du byon te/ khrom gzhor dang gnyis la bka' gdams kyi chos gsan pa'i dus su/ de gnyis kyi slob ma skyo rin po che la nged dben gnas byed pa'i sa cig dgos gsungs pas/ gzho'i phu na 'bri phyugs 'jog pa'i se nags yod pa phul/ dgon pa btab ste phrin las rgyas pa'i tshul gzhan du gsal lo/ glang lung pa'i rjes su se rnal 'byor pa bsod nams rgyal mtshan/ de ni 'khrungs yul gzhung/ yab se shes rdor dang/ yum rje mo 'od zer gyi sras su 'khrungs/ glang lung pa'i phyags phyir yun ring du bzhugs/ bla mchod pa lo 'ga' dang/ lo bya yul gyi gdan sa lo dgu mdzad nas/ khrog gi dbyi phu dgon pa btab po/ sangs rgyas sgom pa ni/ 'khrungs yul gzhung/ yab 'be spyan ras gzigs dang/ yum byi za rgyas chung gi sras su lcags 'brug la 'khrungs/ lo bcu bzhi la 'dul ba 'dzin pa sbal ti'i sar rab byung mdzad/ mtshan rdo rje gzhon nur btags/ de nas lo brgyad pa la glang lung pa stod lungs su byon pa dang mjal/ lo bcu bzhi bsten rtogs pa khyad par can 'khrungs/ de nas la mo lha khang