[A:70b] du lo drug sku mtshams mdzad/ so brgyad pa la ra mo cher mkhan po sbal ti la bsnyen rdzogs zhus/ 'dul ba mkhas par bslab/ lor byon nas/ zhe bzhi la lo bya yul gyi gdan sar byon/ glang lo bar bdun bcu bzhugs/ zla ba bzhi pa'i tshes bzhi la lor thegs/ de nas gtsang pa jo sras kyis lo dgu gdan sa mdzad/ lo'i dbu rtse gsar ma bzhengs/ zem rin po che ni/ yul ham mdo'i de'u gong bya bar phag lo la/ yab pa yags rtse mo'i sras su 'khrungs/ lo bcu bdun pa la lor sangs rgyas sgom pa'i spyan sngar byon pas/ sngon la dro par song gsung nas rnal 'byor byang seng la rab byung zhus/ mtshan grags pa seng ger btags/ 'dul ba dang/ jo bo nas brgyud pa'i chos mang du gsan/ lo lnga bzhugs/ yar lam rin chen sgang du sangs rgyas dbon la chos zhus/ de nas ham mdor lo bzhi sgrub pa mdzad pas/ sangs rgyas padma gar dbang dang zhal mjal/ de nas lo bya yul du sangs rgyas sgom pa la tshogs chos/ klog chos thams cad rdzogs par mdzad/ thugs dam bum pa dbu thog tu gzhag pas ting nge 'dzin khyad par can 'khrungs/ ra sgreng du byon dus jo bo 'jam dpal rdo rjes chos gsungs/ lo bya yul gyi gdan sa lo bcu bco brgyad mdzad/ drug bcu rtsa drug pa 'brug lo zla ba gnyis pa'i tshes nyi shu la glang lung du thegs/ 'di la slob ma'i mchog bzang po drug tu grags pa'i re mer ba chen pos lho ri mer gyi dgon pa btab/ 'od gsal sgang pa ni/ 'khrungs yul 'on bra ma thang/ don stengs pa la rab byung zhus/ dro sar rnal 'byor bya seng la 'dul ba sogs bslabs/ phar 'byon par chas pa la/ snya re sman rtsar zem phebs pa dang mjal bas/ mi phyed