[A:71a] pa'i dad pa skyes/ lo dgu bsten/ 'dis zhogs kyi 'od gsal dgon pa btab so bo / gzhan yang dum bu ri pa chen po'i dbon po zla ba grags pa/ smad kyi byang chub sems dpa' zla ba rgyal mtshan/ 'dis dum ri'i dgon pa btab dgas dwags po spyi ther ba/ 'bri sgangs
sangs rgyas lha ston
pa/ chos rgyal kham pa lung pa rnams byon/ kham pa lung pa ni/ 'khrungs yul nyan ka ka pa/ gdung rus dbas/ yab rnal 'byor mgon po'i sras su 'brug lo la 'khrungs/ byis pa nas zem rin po che lor yar 'byon mar 'byon mdzad pa dang mjal res kyis sems phrogs pa bzhin byung/ lo bcu gnyis la zem bya yul du bzhugs pa la rab byung zhus/ mtshan rin chen seng ger btags/ de nas phyags phyir lo bdun bzhugs/ tshogs chos rnams rdzogs par gsan/ zem gyi zhal nas khyed nga'i yon tan 'di rnams rtsad chod/ bsnyen rdzogs gyis gsung bas/ zem lam dgon du phebs pa la skyor mo lung gi mkhan po zhig po bya ba mjal du byon dus bsnyen rdzogs mdzad/ 'dul ba yang gsan/ de nas zem la klog chos rnams zhus ma 'ongs pa na 'di ltar gyis kyi bslab bya mang po rnams mdzad de/ zem gshegs nas/ ri mer ba gdan sar spyan drangs kyang/ khyod rang gi pha gi na 'os pa cig chos skyong gis bdag tu bzung 'dug gsung nas/ lung bstan mdzad de sa byon/ khong yung ba'i khams lung du bros te de nas spyan drangs pas/ mtshan kyang de ltar grags/ nyi shu rtsa lnga pa la gdan sar bskos/ lo nyi shu rtsa bdun mdzad/ lo'i mchod khang gi khyams smad gling rgya bkyed pa/ gser thog sogs bka' drin che zhing/ lnga bcu rtsa gcig pa rta lo zla ba gnyis pa'i nyer lnga la ka phug tu thegs/ yar lungs jo bo'i chos 'byung du 'di'i dus su bka'