[A:71b]gdams kyi bshes gnyen grags che ba thus chen brgyad du grags pa byung zer ro/ sangs rgyas jo bo ni/ 'khrungs yul rgya sa sgang/ yab lha'i brgyud pa jo bo bsod nams mgon gyi sras su sbrul lo 'khrungs/ gzhon nu nas sangs rgyas sgom pa shar phyogs dang ba'i 'od kyi 'jig rten na bzhugs zer ba'i dbyangs 'then pa gsan pas/ mtshan thos pa tsam gyis dad gus skyes/ lo bcu gnyis la zem glang
lung
du bzhugs pa la rab byung zhus/ mtshan dbang phyug gzhon nur btags/ nyi shu rtsa gnyis pa la zem la mkhan po zhus te bsnyen par rdzogs/ bka' gdams kyi chos la sogs pa mang du gsan sbyong mdzad/ lnga bcu rtsa gnyis la lam dgon gyi gdan sar byon/ lo dgu mdzad/ drug bcu la lo bya yul gyi gdan sar byon pa'i dus mngon shes mang du gsungs/ bya yul gyi gtsug lag khang dang/ gling gi
zhig gsos sogs mdzad de/ bka' drin lhag par che zhing/ bla ma yi dam chos skyong mang po zhal gzigs/ gdan sa lo bcu bco brgyad mdzad/ bdun bcu don gsum pa bya lo dbyug gu zla ba'i tshes bcu bar du bzhugs/ sangs rgyas ston pa ni/ 'khrungs yul lho brag gla shul sgo/ yab sum pa bkra shis kyi sras su byi ba lo la 'khrungs/ lo bcu bzhi la khams pa lung pa'i drung du rab byung zhus/ mtshan tshul khrims seng ger btags/ nyi shu la mkhan po dge ye ba la bsnyen par rdzogs/ 'dul ba mkhas par mkhyen/ de nas lo bya yul gyi chos skyong rnams kyis bsu ba byas pa'i snang ba dang dus mtshungs par sangs rgyas jo bos shog gsung ste/ bya yul steng khang du bskos/ jo bo chen po zhal gzigs/ de nas gdan sar byon te lo bcu drug mdzad/ lo bya yul du chos khrims shin du dam pa dang