[A:72a] bka' gdams kyi srol bzang po gtsugs/ glang lo bar drug bcu rtsa gnyis bzhugs/ sangs rgyas sgom pa gsar ma ni/ 'khrungs yul lo ro gla shul/ yab sum pa brgyad stong dpal gyi sras su 'brug lo la 'khrungs/ gzhon nu'i dus mtsho sna pa la dge tshul zhus/ mtshan tshul khrims shes rab tu btags/ de nas bya yul du byon nas sangs rgyas jo bo dang/ ston pa la bsnyen rdzogs zhus/ bka' gdams kyi chos rdzogs par gsan/ khyad par du sangs rgyas ston pa la sngags kyi rdzogs rim gsan pas/ 'od gsal gyi rtogs pa 'khrungs/ de nas lam dgon gyi gdan sa lo gsum mdzad dus/ thugs skyo ba cung zad skyes te sham po gangs la bzhugs pa/ lo bya yul gyi gdan sar spyan drangs/ lo bcu gsum gdan sa mdzad/ nga lnga pa stag lo bre phul zla ba'i tshes bzhi la bya yul du thegs/ sangs rgyas dbon po gzhon nu smon lam/ dgas dwags por spre'u lo la 'khrungs/ dgas dwags po spyi ther gyi dbon por grags/ rgyal steng gi gdan sa lo mang rab dang/ de nas gdan sa gong lo gsum mdzad/ bdun bcu rtsa gnyis pa lug lo zla ba gnyis pa'i tshes brgyad la lor thegs/ rin po che bcu bzhi pa/ klungs shod sho nag thang bya bar yab seng ge'i sras su yos la 'khrungs/ gdung rus rtsi/ lo bcu bco
lnga
la lug rgyur sangs rgyas jo bo la rab tu byung/ mtshan tshul khrims mgon por btags/ lo bzhi bsten/ tshogs chos rdzogs par gsan/ bcu dgu la brag gsab tu bsnyen rdzogs mdzad/ de nas skyor mo lung dang/ thang sag tu 'dul ba dang dbu ma mkhas par sbyangs/ sangs rgyas ston pa lo bcu gnyis bsten/ lkog chos rdzogs par gsan/ yi dam zhal gzigs pa