[A:72b] mngon shes mnga' ba sogs rnam thar du gsal/ 'khor rnams la nged yan chad du bka' brgyud 'di la dam tshig dang lta spyod la lhad dang zel med/ byin brlabs kyi brgyud pa ma nyams/ nyams rtogs rgyun chad med pa yin pas/ khyed zhabs tog byed pa don dang ldan pa yin gsung/ bya yul gyi mkhan po lo gsum/ lam dgon gyi gdan sa lo brgyad/ gdan sa che ba lo nyi shu rtsa gnyis mdzad de/ bdun bcu rtsa gcig pa glang lo zla ba dgu pa'i tshes bcu bzhi la lor thegs/ 'di stod lungs pa rin chen snying po'i sprul par grags so/ rin po che gnam gang pa/ 'khrungs yul 'ol kha ba/ gdung rus byen/ yab chos skyong bsam me'i sras su khyi lo la 'khrungs/ lo bcu gcig pa la rgyal stengs su sangs rgyas dbon po la rab tu byung/ mtshan gzhon nu ye shes su btags/ mkhen phya ru ba la/ 'dul ba/ spyod 'jug/ gdams ngag skor mang du gsan/ bcu dgu la rin po che tshul khrims mgon po la bsnyen rdzogs zhus/ nged kyi gzims g.yog gyis zin bris thob gsung bas/ de ltar mdzad de tshogs lkog gi chos rdzogs par gsan pas thugs rab la mnyes te/ blo gros rnam dag ces gsung/ lo nyer drug la rgyal stengs su bskos te lo bcu bco lnga gdan sa mdzad/ de nas rin po che bcu bzhi pas/ thub pa'i gser sku dbu zhwa/ bstan rim sogs gnang nas byin gyis brlabs/ bzhi bcu pa la gdan sar byon/ lo so bzhi mdzad/ don gsum pa khyi lo zla ba bcu gnyis pa'i gnam gang bar du bzhugs/ rin po che tshes bcu pa/ 'khrungs yul 'ol kha ba/ gdung rus ljang/ yab dpon dkar gyi sras su 'brug lo la 'khrungs/ lo bcu bzhi la rin po che bcu bzhi pa