[A:73a] la rab byung zhus mtshan chos kyi rdo rjer btags/ nyer gcig la rin po che sa de nyid kyi drung du bya yul du bsnyen rdzogs mdzad de/ dal dang 'byor pa rnyed dka' bas/ 'di dag ji lta bzhin du bsgrubs/ gsung ba'i skabs su thugs la nges shes skyes te/ tshul khrims mi 'bras bzhin du bsrungs gsung/ bcu bzhi pa lo dgu bsten/ bka' gdams kyi chos rdzogs par gsan/ gsang sngags nod do/ 'dul mngon spyod 'jug sogs la mkhas par sbyangs/ byes kyi mkhan po lo gsum/ rgyal stengs su lo nyi shu rtsa brgyad/ gdan sa gong lo brgyad/ spyan g.yas su mkhan po gzhon nu dpal gyis gdan drangs nas chos kyi 'khor lo yun ring du bskor/ bde mchog sogs zhal gzigs/ mgon po lho nub pa bran bzhin du 'khol ba sogs rnam thar du gsal/ bdun bcu rtsa gsum pa 'brug gi dgun zla tha chung gi tshes bcu bar du bzhugs/ rin po che bcu bcu brgyad pa/ dgung snying yos/ zhogs su 'khrungs/ rin po che gnam gang ba la rab byung bsnyen rdzogs zhus/ mtshan blo gros rin chen du btags/ 'od gsal gyi gdan sa lo bdun/ gdan sa gong lo brgyad mdzad do/ bzhi bcu rtsa drug pa byi ba lo dpyid zla ra ba'i tshes bcu bco brgyad bar du bzhugs/ rin po che rin chen rgyal mtshan/ yab lhas pa dpon rdor gyi sras su gru bzhir byi ba lo la 'khrungs/ rab byung dang bsnyen rdzogs rin po che gnam gang ba la zhus/ mgon po gri gug zhal gzigs rje rin po che blo bzang grags pa sogs bla ma bcu bco lnga bsten/ gdan sa lo nyi shu rtsa gsum mdzad/ lnga bcu rtsa dgu pa khyi lo zla ba dang po'i tshes bcu bco lnga bar du bzhugs/ yongs 'dzin chen po tshul khrims dar gyi zhal snga nas yab dpon bsam