[A:78a] mngon par shes pa rgya chen po mnga' zhing/ dgon pa ba dang/ sku mched gsum gyi gsung phyogs gcig tu bsgrigs pa'i bstan rim mdzad/ rang lo bdun bcu rtsa bdun pa sa khyi rta'i zla ba'i nyer dgu la thegs/ gdung bzhu bas ring bsrel dpag tu med pa dang/ lha'i spos kyi dri sne'u zur gyi gnas thams cad khyab pa sogs rnam thar du gsal lo/ slob ma bdun brgya tsam byung ba'i nang nas grags che ba bzhi ni/ lha bka' gdams pa thag ma ba chen po/ byang sems zla ba rgyal mtshan/ gun pa lha rje thugs rje rgyal mtshan rnams dang/ gzhan yang dgyer sgom chen po/ gtsang nas grang po lung pa zhes 'phags pa don zhags dang bcu gcig zhal gyi chos bdag tu byed pa dang/ spyi bo lhas pa byang chub 'od ces grags pa rnams so/ 'di rnams bka' gdams gdam ngag pa gtso bor byed pa yin no/ spyi bo lhas pa la chos kyi rje sa skya paNDi tas rab byung bsnyen rdzogs kyi slob dpon zhus/ bka' gdams gzhung gdam ngag gi chos rnams gsan par rnam thar ngo mtshar snang ba las gsungs so/ thag ma ba'i slob ma nam mkha' seng ge yang stod lungs thag mar byon/ de nas nam mkha' rgyal po/ seng ge bzang po/ rgyal sras bzang po/ gsang ba'i bdag pos byin gyis brlabs pa nam mkha' rgyal mtshan dang bzhi ni lho brag thig phyir byon no/ yang bka' gdams gzhung pa'i brgyud pa se spyil phu ba yan sngar bzhin la/ de nas lha lung gi dbang phyug dang/ lha 'gro mgon gyi slob zangs chen pa dar ma bsod nams/ de'i slob ma mtsho sna pa chen po shes rab bzang po/ de'i slob ma mon grab pa tshul khrims bkra shis/ de'i slob ma mkhen chos skyab bzang po yang gdam ngag