[A:78b] pa nas brgyud pa sangs rgyas dbon ston yan sngar bzhin la/ de nas nam mkha' rgyal po man sngar dang 'dra'o/ mkhan chen chos skyabs bzang po dang/ gsang bdag nam mkha' rgyal mtshan gyi drung du rje thams cad mkhyen pa blo bzang grags pas bka' gdams gzhung gdam ngag gi chos rnams gsan nas/ gro lung pa'i bstan rim la gzhi mdzad de/ byang chub lam sgron gyi don 'grel lam rim che chung mdzad do/ de yang bka' gdams gzhung gdam ngag gi khyad par mi 'dra ba cung zad 'dug kyang
bka'
gdams gzhung drug sogs gzhung bshad gtso bor byed cing/ skyes bu gsum gyi lam rim lkog chos su ston pa gzhung pa dang lam bstan rim sogs skyes bu gsum gyi gdam ngag gtso bor ston cing/ gzhung rgyab chos su byed pa gdam ngag par byed pa legs so/ a ti sha'i sras kyi thu bo gnyis pa rngog lo tsA ba'i bshad brgyud 'dzin pa ni/ gangs can gyi ljongs 'dir bstan pa spyi la bka' drin che bas/ de'i byon tshul sngon gyi yi ge las/ kha ba can gyi ljongs 'brog mtsho dang nye ba'i sar/ sngags rnying ma ba'i dge bshes rdo rje gzhon nu bya ba la sras lnga yod pa'i che shos rngog legs pa'i shes rab kyis/ spyir jo bo chen po lo bcu bsten cing/ phyags phyir byon pa'i dus su gsang phu la phyag 'dzub gtsugs btsugs te/ lung pa ya ge'i nang na dung g.yas su 'khyil ba 'dra ba yod/ der legs she khyod kyis gtsug lag khang thob la bshad nyan gyis/ bstan pa la phan par 'gyur zhes lung bstan pas/ gsang phu ne'u thog gi sa cha gzigs te/ bla mas lung bstan pa'i gnas de yin par mkhyen nas/ gsang phu ne'u thog gi gtsug lag khang bzhengs/ bstan pa'i