[A:79a] bya ba mdzad de/ dang por dge 'dun lnga brgya tsam 'dus so/ de las 'phros pa la gnyis/ lo tsA ba blo ldan shes rab las slob ma 'phros tshul/ mnga' ris pa shes rab rgyal mtshan las bka' gdams glegs bam byung tshul lo/ dang po ni/ legs she'i gcung po klu khri/ klu byang/ chos skyabs/ thub pa bzhi las/ chos skyabs kyi sras lo tsA ba blo ldan shes rab yin te/ de yang lcags mo phag gi lo la sku 'khrungs/ skyes bu dam pa des sku na gzhon nu'i dus nas/ khu bo dang/ ka chu'i slob chung tshul khrims shes rab la sogs pa bsten nas rab tu byung / rgyud sbyangs/ dgung lo bcu bdun lon pa'i dus/ mnga' ris stod kyi lha bla ma byang chub 'od kyi dbon po mnga' bdag rtse lhes ldes rgya gar du lo tsA slob pa la brdzangs te/ yul dbus dang kha che la sogs par byon/ paNDi ta sadzdza na dang/ 'bum phrag gsum pa/ pa ra he da/ ma hA dza na/ su ma ti kIrtI dang/ skal ldan rgyal po la sogs pa mkhas grub mang du bsten/ rgya bal du lo bcu bdun bzhugs nas/ mnga' ris stod du phebs/ mnga' bdag dbang lde dang/ khri bkra shis dbang phyug brtsan btsan gyis 'gyur gyi sbyin bdag mdzad nas/ tshad ma rgyan la sogs pa bstan bcos mang po bsgyur/ de nas dbus su phebs/ khu bo'i gdan sa gsung phu ne'u thog dang/ ra sgreng la sogs pa gnas khyad par can mang por chos gsungs/ slob ma khri phrag lhag tsam 'dus par grags shing/ dbus gtsang/ lho bal/ mdo stod smad/ shar tsong kha/ rgya mi nyag sogs su grub mtha' 'dzin pa'i slob ma dang nying slob tu ma gyur pa med cing/ dbus gtsang du lo bcu