[A:79b] bdun 'gro don mdzad/ rgyas par gro lung pas mdzad pa'i rnam thar du shes so/ de'i thugs sras zhang tshes spong chos kyi bla ma/ gro lung pa blo gros 'byung gnas/ khyung rin chen grags/ 'be shes rab 'bar dang bzhi la sras kyi thu bo bzhi zer/ gzhan yang gangs pa she'u/ gong bu ra can/ sham po mi dig la sogs pa bsam gyis mi khyab pa smin par mdzad pa'i ngang nas zhang tshes spong chos kyi bla mas ne'u thog gi gdan sa lo sum bcu rtsa gnyis mdzad/ de rjes gnyal pa ri lus lo gnyis/ gnam par bas lo brgyad/ de nas gro lung pa gdan sar gdan drangs pas/ grogs chos kyi spyan ldan de'i gdan sa dron mo la shes 'dod yod kyang ral ril thams cad kyi rjes su mi byed gsung nas/ gong gi bla ma de gsum gyi slob ma dge ba'i bshes gnyen phya pa chos kyi seng ges ne'u thog gi gdan sa lo bcu bco brgyad mdzad cing/ slar yang gro lung pa'i spyan sngar byon nas sgro 'dogs dpyad de slob ma bsam gyis mi khyab pa byon pa las sras kyi thu bo seng chen brgyad ni/ gtsang nag brtson 'grus seng ge/ dan bag smra ba'i seng ge/ bru nag bsod nams seng ge/ rma bya rtsod pa'i seng ge/ rtsags dbang phyug seng ge/ nya bran pa chos kyi seng ge/ 'dan ma dkon mchog seng ge/ gnyal pa yon tan seng ge ste/ 'ga' zhig gtsang pa 'jam seng 'dren no/ jo sras bzhi ni/ 'khon jo sras rtse mo/ rngog jo sras ra mo/ khu jo sras ne tso/ gnyos jo sras dpal le rnams so/ yang 'gar dbang phyug grub/ kong po 'jag chung/ lho pa sgog zan/ par phu ba blo gros seng ge bzhi la shes rab can bzhi zer/ gzhan yang 'jad pa ston skyabs/ rdo rje 'od zer la sogs pa sde snod