[A:80a] 'dzin pa mang po dang/ 'tshur phu ba grub thob dbu se/ zhang tshal pa/ choos rje phag mo gru pa la sogs pa mkhas grub du ma smin par mdzad pa'i nang nas rtsags dbang phyug seng ges gdan sa lo lnga de gnyis kyi slob ma gnyal pa dad pa bzang pos lo bdun/ 'jam tse nes lo bdun byas/ 'di nas gling stod smad gnyis su gyes par 'dod do/ smad pa la bzad pa dar ma 'od dang/ bzad pa don grub gnyis kyis lo sum bcu mdzad/ de nas slob dpon 'od zer mgon pos lo sum bcu rtsa lnga gdan sa mdzad pa la/ slob ma slob dpon shAka gzhon/ don grub dpal/ mkha' rag pa la sogs pa byon pa'i shAka gzhon gyis gdan sa mdzad de/ de nas rim pa ltar byon no/ gling stod pa ni/ 'jam tse ne'i slob ma gtsang pa 'jam seng/ de'i rjes su 'jim ston/ zhu ston/ blo gros 'bar rnams rim par byon/ de nas slob dpon gnyal zhig 'on byang rdo nas spyan drangs te/ gdan sa lo bcu bco brgyad mdzad cing/ slob ma bu dgur grags pa ni/ bzad rings/ phu dang dar dkon/ gtsang pa gru gu rnams la snga tshar gsum/ 'u yug pa bsod nams seng ge/ bo dong rin chen seng ge/ slob dpon jo nam gsum la bar tshar gsum/ rgya 'ching/ 'jam gsar/ skyel nag gsum la phyi tshar gsum zer ro/ de ltar slob ma mang yang / gdan sa rgyal pa so ston gyis byas/ de nas rgya 'ching rgyu ba bde ba can nas spyan drangs te gdan sa mdzad/ de nas chu mig pa seng ge dpal gyis gdan sa lo bcu bco brgyad mdzad/ de nas da lta'i bar la gdan sa ma chad par byon pa'o/ lo tsA ba'i bu chen khyung rin chen grags kyi slob ma stod lungs rgya dmar/ stag pa kha che sogs las brgyud pa nyang stod