[A:83a] rong pa'i bu bzhir grags pa lhor 'byung ba la blta bar 'dug gsungs/ de nas pa tshab dang/ 'phrang kha rje'i 'khrug pa'i mdus mdzad pa la/ phod mdor byon pa dang/ rma chen po byang rdor zer ba 'dul ba 'dzin pa chen po de dang mjal bas/ khong dad nas skyid shod 'on ljang rdor spyan drangs te chos gtsugs pas/ de'i dus rma chen po'i zur chos pa che ba bzhis chos zhus pas/ rong pa'i bu bzhir grags pa ni/ bya 'dul ba 'dzin pa/ rog 'ching phu ba
gnam par ba
dge bshes zhu lhan pa'o/ rgya ra ston rjid dge bsnyen yin pas bur ma bgrangs/ de lngas jo bo'i gdams pa zhus/ zin bris mdzad pas/ bya 'dul ba 'dzin pas gdams pa dang lo brgyus rgyus nyung 'dus gcig mdzad/ 'ching phu bas lo brgyus rgyus nyung 'dus la gdams pa mang ba gcig byas/ gnam par bas lo brgyus rgyus ma bris par gdam ngag rnams bris/ zhu ldan pas gdams pa dang lo brgyus rgyus gnyis ka rgyas par byas nas khyad par du lo brgyus rgyus zhib par mdzad de/ mdo sde rnams las sangs rgyas kyis yul 'dir gang zag 'di la chos 'di gsungs bya ba yod pas chos khungs btsun par rtogs pa la lo brgyus rgyus 'di gal che ba yin gsung nas rgyas par bris/ yi ge de thams cad bya 'dul ba 'dzin pa'i phyag tu byung bas/ khong gis phyogs gcig tu bsgrigs pas jo bo'i lam yig tu grags/ rgya ra ston brjid la sngags kyi gdams pa gtso bor gnang/ 'dis rgya ra'i dgon pa btab/ gzhan yang ba yu ba shes rab tshul khrims kyis phyags sor ba yun ring du bsten jo bo nas brgyud pa'i chos skor dang/ khyad par spyan ras gzigs kyi gdam ngag thams cad ma lus par gnang/ lung bstan nas thugs rje chen po bsgrubs pas/ lo lnga na zhal mthong/ theg pa